Փաստ ինֆո

 ՍԴ նախագահ Հրայր Թովմասյանի լիազորությունները դադարեցնելու նախագիծը հիշեցնում է  բուհի ուսանողական վատ աշխատանք։ «Փաստինֆո»-ի հետ զրույցում  նման կարծիք է հայտնել  իրավաբան Գոհար Մելոյանը։

Ըստ նրա՝  նախագծում հստակ թիրախավորված է Հրայր Թովմասյանը, ապա ավելացրեց, որ ինչքան էլ փաստաթղթում փորձեն ընդգծել Հրայր Թովմասյանի և Արամ Օրբելյանի քավոր-սանիկ կապի մասին, միևնույն է օրենքի շրջանակներում մերձավոր ազգականներ  հասկացության մեջ քավոր-սանիկ հարաբերությունները չկան։ Բացի այդ՝  ՍԴ-ում ներկայացուցիչ է հանդիսանում ոչ թե Արամ Օրբելյանը, այլ Արամ Վարդևանյանը։

«Նախորդ իշխանությունների հետ Հրայր Թովմասյանի կապը պետք է ցույց տալ նրա ՍԴ դատավոր դառնալուց հետո և ոչ թե մինչ ՍԴ դատավոր դառնալը։ Բնականաբար անձն ունի քաղաքական հետագիծ, և իր պրոֆեսիոնալիզմի և կոմպետենտության շնորհիվ էլ կարծում եմ, հայտնվել է այնտեղ, որտեղ այս պահին գտնվում է։ Զավեշտն այն է, որ խոսում են այս մասին, երբ ակնհայտորեն ունենք ՍԴ մեկ այլ դատավոր, որի առնչությունը քաղաքական տեսանկյունից ակնհայտ է։ Եթե Հրայր Թովմասյանի դեպքում գեթ մեկ փաստարկ չկա, մյուս պարագայում կարելի է ասել, որ Վահե Գրիգորյանն է թելադրում գործող քաղաքական ուժի գործունեության օրակարգը և դրանով էլ առաջնորդվում են՝ առանց ողջամտորեն ստուգելու նրա կողմից ներկայացված փաստական հանգամանքները կամ իրավական հիմքերը»,-ասաց իրավաբանը։

Մանրամասները՝ տեսանյութում։

Հեղինակ` Սոնա Գեւորգյան