Փաստ ինֆո

Արդեն մեկ տարուց ավելի է, ինչ պայքարում ենք Ամուլսարի հանքի շահագործման դեմ։ Ընտրել ենք պայքարի խաղաղ այն ձևը, որ պետք է դիրքեր ունենանք, որ չթողնենք մտնեն հանքը քանդեն։ Այլ գործողություններ չենք արել, մտածել ենք թող մեր Կառավարությունը ժամանակ ունենա այս հարցերը լուծելու համար, սակայն արդեն երկրորդ ձմեռն է, դեռ ջերմուկցիները դրսում են»,-այսօր Ջերմուկում կազմակերպված ակցիայի ժամանակ ասաց ակցիայի մասնակիցներից մեկը։

Նա նշեց, որ Ջերմուկի բնակիչներն ինքնակամ միացել են ակցիային, քայլել մինչև Արցախյան զոհերին նվիրված հուշահամալիր, և Ամուլսարը շահագործելու դեպքում պատրաստ են նույն կերպ ընտանիքներով թույլ չտալ շահագործումը։

«Այս հարցը լուծելու շատ ուրիշ տարբերակներ կային, բայց մենք չենք գնացել այդ քայլերին, քանի որ հարգել ու ընդունել ենք հեղափոխության գաղափարախոսությունն ու գտնում ենք, որ ինքներս պետք է լինենք ժողովրդավարությունը կրողները»,-ասաց ջերմուկցին։

Մասնակիցը նշեց, որ ավարտում են ակցիան, և Կառավարությանը զգուշացնում, որ կարող են անել դասադուլներ, գործադուլներ կամ փակել փողոցներ. «Կարող ենք կիրառել այն միջոցները, որոնցով իրենք այսօր իշխանության են եկել, բայց չենք անում՝ տալով ժամանակ, որպեսզի հարցն արագ լուծում ստանա»։

Մանրամասները՝ տեսանյութում

Հեղինակ` Սոնա Գեւորգյան