Փաստ ինֆո

Վաղ առավոտից զոհված զինծառայողների ծնողները հավաքվել են կառավարության շենքի մոտ՝ հայտարարելով հացադուլ սկսելու մտադրության մասին։ Նրանք պահանջում են,կառավարությունը զոհված զինծառայողների ընտանիքներին եւս հատկացնի 30 մլն դրամ։

«Մենք երբևիցե զոհերը չենք առանձնացնում, բայց մարտի 1-ին զոհվել են ցույցերի ժամանակ։ Արդար չէ, որ մարտի 1-ի զոհերի ընտանիքներին Կառավարությունը 30 մլն դրամի չափով աջակցություն է ցուցաբերելու, իսկ զինծառայողների ընտանիքներին՝ ոչ»,- «Փաստինֆո»-ին ասել է զոհված զինծառայողի մայր Մարգարիտա Խաչատրյանը՝ ավելացնելով «Եթե Օպերայից մինչև Քաղաքապետարան ցուցարարները զոհվել են հայի ձեռքով, գնդակահարվել են հայի ձեռքով և նրանց տրվում է 30 մլն, ապա զինվորական ծառայությունը՝ իրենց պարտականությունը, կատարելիս զոհվածներին, մենք իրավասու և պահանջատեր ենք, որ մեր տղաներին էլ տան 30 մլն»։
Մայրերը դիմել էին կառավարություն՝ նշված հարցով, սակայն անցած մեկ շաբաթվա ընթացքում որեւէ պատասխան չին ստացել եւ այսօր վաղ առավոտյան հավաքվել են կառավարության շենքի մոտ։ Տեւական ժամանակ նրանց ոչ ոք չէր մոտենում, խնդրի մասին։ Մարգարիտա Խաչատրյանը փորձեց փակել կառավարության մուտքը։

«Շուրջ 1 ժամ մենք գտնվում ենք կառավարության շենքի դիմաց և արհամարհված ենք իրենց կողքից։ Իրենք կառավարությունում նստելու իրավունք չունեն», - հայտարարեց զոհվածի մայր Մարգարիտա Խաչատրյանը՝ ավելացնելով «Վարչապետն ասում է՝ փող ունեմ, տեղավորելու տեղ չունեմ։ Ես տեղը ցույց եմ տալիս։ Եթե իր կինը հայտարարում է, որ ոչնչի համար են զոհվել մեր տղերքը, ևս մեկ անգամ հիշեցնում եմ, որ մեր տղերքը զոհվել են հայրենիքի համար և մեր համար թանկ են։ Ես իր տղայից որտեղից բերեմ, որ Երևանի փողոցներում շրջի, նկարողին էլ ասեն, թե քրեական գործ ենք հարուցելու»։
«Փաստինֆո»-ի հաղորդմամբ՝ Մարգարիտա Խաչատրյանի ինքնազգացողությունը վատացել է, հրավիրվել է շտապօգնություն, բայց նրա հարժարվել է բուժօգնությունից։

Աղբյուր` Փաստինֆո