Փաստ ինֆո

«Եկեք ելնենք այն նորմատիվային  իրավական բազայից, որն  ընդունել է կազմակերպությունը։ Բոլոր որոշումները՝ հատկապես այն որոշումները, որոնք վերաբերում են անդամությանը, դիտորդությանը կամ համագործակցությանը, ընդունվում են կոնսենսուսով, այսինք  բոլոր պետությունների համաձայնությամբ։ Եթե որեւէ պետություն դեմ լինի,  բնականաբար, որոշումը չի ընդունվի։ Դրա համար կա կանոնադրություն, համաձայնագիր , որով մենք առաջնորդվում ենք»,-Երեւանում հայտարարել է ՀԱՊԿ գլխավոր քարտուղարի պաշտոնակատար Վալերի Սեմերիկովը՝ անդրադառնալով Ադրբեջանի՝ ՀԱՊԿ դիտորդ անդամի կարգավիճակ ստանալու հնարավորության մասին հարցին։

Սեմերիկովը հիշեցրել է  ՀԱՊԿ գլխավոր քարտուղարի ընտրության խնդիրը։  «Տեսեք, թե  որքան էր ձգվում այդ էպոպեան, քանի դեռ մենք կոնսենսուսի չէինք հասել, քանի դեռ բոլոր պետությունների ղեկավարները չստորագրեցին այդ որոշումը, այն չընդունվեց»,-հայտարարել է Սեմերիկովը։

«Փաստինֆո»-ն ավելի վաղ տեղեկացրել էր , որ նույն հարցի վերաբերյալ փոխվարչապետ Յուրի Բորիսովը, ըստ էության  հայտարարել էր, թե ողջունում է Ադրբեջանի հետհնարավոր համագործակցությունը։ «Դա վերաբերում է ոչ միայն Ադրբեջանին։  ՀԱՊԿ-ը միշտ ողջունելու է ԽՍՀՄ բոլոր նախկին հանրապետությունների հետ համագործակցությունը ։ Մենք բոլորս ժամանակին եղել ենք մեկ միասնական ընտանիք, մենք շատ ընդհանրություններ ունենք։  Դա նաեւ վերաբերում է նախկին խորհրդային հանրապետությունների զինված ուժերի  որոշակի հավասարակշռմանը»,-Երեւանում լրագրողներին ասել էր նա։

 Վալերի Սեմերիկովի խոսքով, Յուրի Բորիսովը հայտարարությունն արել է այն տեսանկյունից, որ կազմակերպության դռները որեւէ մեկի առջեւ փակ չեն։

«Ցանկացած պետություն կարող է ցանկություն հայտնել դառնալ կազմակերպության գործընկեր, անդամ կամ դիտորդ, բայց կան որոշակի սահմանափակումներ , որոնք նորմատիվ փաստաթղթերում ներառված են, կարդացեք դրանք, իսկ այն , որ ինչ –որ մեկն ամբիոնից հայտարարում է, կուլիսներում են խոսում, կներեք...»,-նշել է Սեմերիկովը։

Հավելենք, որ 2018-ի նոյեմբերին Հայաստանը առանց նախազգուշացնելու ՀԱՊԿ գլխավոր քարտուղարի պաշտոնից  հետ կանչեց Յուրի Խաչատուրովին, որը Մարտի 1-ի գործով անցնող պաշտոնյաներից մեկն է: Հայաստանը, ՀԱՊԿ-ում պետք է պաշտոնավարեր 3 տարի, սակայն , ըստ էության, կորցրեց այդ պաշտոնը:  ՀԱՊԿ նոր գլխավոր քարտուղարի ընտրության հարցը տեւական ժամանակ լուծում չէր ստանում։ Հայաստանը փորձում էր պաշտոնը պահել՝ մինչեւ ժամկետի ավարտը, իր հերթին Բելառուսն առաջադրել էր Ստանիսլավ Զասի թեկնածությունը։  Քննարկումների արդյունում, ի վերջո, որոշվեց  Զասի թեկնածությունն  առաջադրել 2020թ հունվարի 1-ից, իսկ մինչեւ այդ ՀԱՊԿ գլխավոր քարտուղարի պարտականությունները կատարում է ՌԴ ներկայացուցիչ Վալերի Սեմերիկովը։

Աղբյուր` Փաստինֆո