Փաստ ինֆո

Վերջին տասնամյակի ընթացքում բոլորը լսել են այնպիսի հեղինակավոր «օրենքով գողերի» մասին, ինչպիսիք են հանգուցյալ Դեդ Հասանը՝ Յապոնչիկը, ինչպես նաեւ իրենց դիրքերը պահպանող Տարոն, Շակրո Մոլոդոյը, Գուլին և շատ ուրիշներ: Այնուամենայնիվ, նրանց արդեն փոխարինող նոր «օրենքով գողերի» սերունդ է գալիս, որոնցից շատերը դեռ 30 տարեկան չկան:

Այսպես, 21 տարեկան հասակում թագադրվեց Գիգա Պետրիաշվիլին (պրոֆեսոր, Գիգա Կախետինեց): Հիմա նա 28 տարեկան է: Հսկում է բնակարանային գողություններով զբաղվող ավազակախմբերը: Նրա «գողական» լիազորությունների նախաձեռնողը 62-ամյա «գող» Վաժա Բիգանիշվիլին էր (Վազա Թբիլիսկի): Բացի այդ, նրա կնքահայրերի թվում է նաև հույն կլանի ազդեցիկ ներկայացուցիչ Դավիթ Սեբիսկվերաձեն (Դատո Քութայիսկի): Անցած 7 տարիների ընթացքում մնացած «գողերի» ոչ մեկը նրա դեմ բողոք կամ հարց չի ունեցել:

Պրոֆեսորի հետ մեկտեղ և նույնպես 21 տարեկան հասակում (այժմ նա 27 տարեկան է) «օրենքով գող» է դարձել  Գեորգի Կիլաձեն (Գիգա Օզուրետսկի): Դա, կարելի է ասել, ընտանեկան ուղի է. նրա թագադրմանը մասնակցել է նրա զարմիկը, «օրենքով գող» Սանդրիկ Կուրասբեդիանին. Գիգայի հորեղբայրը՝ Դաթո Ցրիպան, նույնպես «օրենքով գող» է: Գիգան դանակահարել է ուզբեկին՝ վիրավորանքի համար: Օրերս նա Բուլղարիայից արտաքսվել է Ուկրաինա: Նրան սպասում է դատավարություն:

Մաքսիմ Ֆրանցուզովը  (Մաքս Ֆրանցուզ) թագադրվել է 2013-ին, 23 տարեկանում: Թագադրմանը մասնակցել է ավելի քան տասը գող, որոնց թվում էին Ժորա Տաշքենտսկին և եղբայրներ Գիզո և Գելա Քարդավաները: Գողության համար ունեցել է դատվածություն  (ՌԴ քրեական օրենսգրքի 161-րդ հոդված): Սակայն «թագը» նա չպահեց. մի քանի ամիս անց, արդեն, գտնվելով Խակասիայի գաղութում, վարչակազմի ճնշման տակ հրաժարվել է իր կարգավիճակից:

Պրոֆեսոր, Գեգա, Ռևազ, Օսետրինա

2014-ի հոկտեմբերին ազատվելուց հետո Ֆրանցուզովը փորձել է վերականգնել իրավունքները, սակայն «գողերի» շրջանում չի հանդիպել ըմբռնում: 2015 թ-ի օգոստոսին նրա նկատմամբ մահափորձ է կատարվել Մոսկվայի իր տան բակում՝ իր նախկին «գործընկերներից» մեկի հասցեին հնչեցրած անպատվաբեր արտահայտությունների համար: Ստանալով հրազենային ծանր վնասվածքներ, Ֆրանցուզը հրաշքով փրկվել է: Սակայն պատահածից հետո նրա մոտ հոգեկան հիվանդություն է առաջացրել և մի քանի տարի անց նա ինքնասպանություն է գործել՝ նետվելով 7-րդ հարկում գտնվող իր բնակարանի պատուհանից:

Սերգեյ Ասատրյանը (Օսետրինա Մլադշին), լինելով մեկ այլ հայտնի գողի` Էդուարդ Ասատրյանի (Էդիկ Թիֆլիսկի) որդին, « թագադրվել է»Մոսկվայում 11 տարի առաջ՝ 21 տարեկան հասակում, այնպիսի գողերի կողմից, ինչպիսիք են Յապոնչիկը, Դեդ Հասանը, Վասյա Ոսկրեսը, Վագոնը և ուրիշներ: Դատվել է ՌԴ ՔՕ 3-րդ հոդվածի 111 մասով (ծանր մարմնական վնաս պատճառելը), և այժմ ժամկետ է անցնում ՌԴ քրեական օրենսգրքի 163-րդ հոդվածի 3-րդ մասով (շորթում): Բազմիցս զրկվել է իր տիտղոսից, վերականգնել այն և կրկին կորցրել: Մի շարք «գողեր» մինչ օրս չեն ճանաչում նրա կարգավիճակը:

Վերջապես, Ռևազ Ուբիլավան (Ռևազ, Ռեզիկո Ջավարսկի) նույնպես 21 տարեկանում դարձավ «օրենքով գող» (այժմ նա 26 տարեկան է): Բայց նրա «գողական» կարիերան ևս լի էր տհաճ միջադեպերով: Դեռևս «ձգտողի» կարգավիճակում էր, Ռևազին դաժանորեն ծեծի էին ենթարկել անբարյացակամ «գողերի» ընտանիքի ներկայացուցիչները, որոնք դիտավորյալ կոտրել էին նրա երկու ձեռքերը: Հաջորդ հարձակումը նրա վրա կատարել են, երբ նա արդեն «գող» էր: Եվ դարձյալ նրանք նույն թշնամական կլանից մարդիկ էին: Վերջապես, մեկ տարի առաջ Ռևազը կրկին ծեծի է ենթարկվել և «ապաթագավորվել» ՝ «գողին» ոչ հարիր վարքի համար. ընդ որում այս անգամ դա արել էր իր կնքահայրերից մեկը՝ Կոբա Սուխումսկին:

Աղբյուր` Փաստինֆո