Փաստ ինֆո

Այսօր Երևան-Կենտրոն ՔԿՀ-ում գտնվում է գործառութային անձեռնմխելիությամբ երաշխավորված, ՍԴ-ի ուժով պաշտպանված, որևէ կերպ չհաղթահարված անձ։ Այս մասին այսօր մամուլի ասուլիսի ժամանակ ասաց ՍԴ-ում ՀՀ երկրորդ նախագահ Ռոբերտ Քոչարյանի ներկայացուցիչ Արամ Վարդևանյանը՝ անդրադառնալով ՍԴ սեպտեմբերի 4-ի որոշմանը։

«Անձեռնմխելիություն» բառը և քրեակատարողական հիմնարկը միմյանց բացառում են և ոչ թե ՀՀ-ում, այլ սա միջազգային փորձում ընդունված պրակտիկա է։ Եվ սա իրավունքի տեսանկյունից անասելի երևույթ է։ Երբ ՍԴ-ն արձանագրեց, որ առկա է 35-րդ հոդվածում օրենսդրական բաց, որը հակասում է սահմանադրության 27-րդ հոդվածն է։ Որը ես ավելի պարզ փորձեցի ներկայացնել որպես անձի չկալանավորվելու իրավունք, դա հստակորեն ամրագրված է այս որոշման մեջ»,- «Փաստինֆո»-ի հաղորդմամբ՝ ասաց Արամ Վարդևանյանը՝ ընդգծելով, որ ՀՀ երկրորդ նախագահը չէր կարող կալանավորվել, ավելին նրա նկատմամբ մեղադրանքի որոշում նույնիսկ չէր կարող տեղի ունենալ․ «Այսինքն նույնիսկ որպես մեղադրյալ չէր կարող ներգրավվել»,-նկատեց Արամ Վարդևանյանը՝ հայտարարելով, որ երկրորդ նախագահը պետք է անհապաղ ազատ արձակվի։

Ըստ նրա՝ Ռ․ Քոչարյանը չէր կարող որպես մեղադրյալ ներգրավվել, քանի որ քրեադատավարական օրենսգիրքը չի նախատեսում դրա համար անհրաժեշտ ընթացակարգային հստակ կառուցակարգերը։ «Այսինքն օրենսդրական բացն այն աստիճանի է, որ նման կարգավիճակով օժտված անձի նկատմամբ չի կարող նման գործողություն լինել»,-նշեց Արամ Վարդևանյանը։ Նա նկատեց, որ նախ պետք է օրենսգիրքը նման երաշխիքներ նախատեսեր, որ դա առհասարակ հնարավոր լիներ։

Արամ Վարդևանյանն ընդգծեց, որ ՍԴ-ն հստակ արձանագրել է՝ Սահմանադրությունը նման մարմնի, նման լիազորություն չի նախատեսել։ Այս պարագայում, 27-րդ հոդվածի խախտումը, Արամ Վարդևանյանի պնդմամբ, առավել քան հստակ է․«Ես վստահորեն կարող եմ պնդել, որ երկրորդ նախագահն անհապաղ պետք է լինի ազատության մեջ»,-ասաց ՍԴ-ում ՀՀ երկրորդ նախագահի ներկայացուցիչը՝ ընդգծելով, որ անհապաղ նշանակում է րոպե շուտ։

Աղբյուր` Փաստինֆո