Փաստ ինֆո

Քիչ առաջ ավարտվեց «Իմ քայլը» խմբակցության փակ նիստը, որին մասնակցում էին նաև ՀՀ վարչապետ Նիկոլ Փաշինյանն ու փոխվարչապետ Տիգրան Ավինյանը։

Նիստի ավարտին ԱԺ փոխնախագահ Ալեն Սիմոնյանը լրագրողներին տեղեկացրել է, որ քննարկվել է Ամուլսարի հարցը, լսվել են կարծիքներ և ներկայացվել առկա իրավիճակը։ «Սրություն չկա, շատ ավելի համերաշխ է անցել։ Եզրահանգում չկա, եթե լինի հանրությունը կիմանա»,-հայտնեց Սիմոնյանը։ ԱԺ փոխնախագահի խոսքով, վարչապետը ելույթ է ունեցել, ապա պատասխանել խմբակցության անդամների հարցերին։

Ո՞րն էր Փաշինյանի հիմնական ուղերձը հարցին՝ Սիմոնյանը պատասխանեց. «Խոսքը նրա մասին էր, թե այսօրվա դրությամբ ինչ իրավիճակ է»։ Սիմոնյանը տեղեկացրեց, որ վերջնական որոշումը չի լինի այնքան ժամանակ, քանի դեռ որոշման մեջ վստահություն չլինի. «Մեր բնությունն ու անվտանգությունը, պետության վարկանիշն ու մի շարք այլ հարցեր չենք կարող ռիսկի տակ դնել»։

Մանրամասներն՝ տեսանյութում

Հեղինակ` Սոնա Գեւորգյան