Փաստ ինֆո

Դրանցից մեկը՝ լեպտին հորմոնի մակարդակի որոշման անալիզն է: Դրանից կախված է էներգետիկ նյութափոխանակությունը, և դա նշանակում է, որ դրա փոքր ցուցանիշներով մարդը դադարում է վերահսկել քաղցը, ինչը, որպես կանոն, հանգեցնում է ճարպակալման:

«Եթե դուք արդեն ունեք այդ խնդիրը, անիմաստ է անալիզ հանձնել, քանի որ արդեն պարզ է, որ լեպտինի մակարդակը ցածր կլինի, իսկ դեղամիջոց, որը կարող է բարելավել իրավիճակը դեպի լավը՝ դեռևս գոյություն չունի», - ասել է բժիշկ թերապևտ Ուֆիմցևան «Аргументы и факты» թերթին:

Մասնագետը նշել է նաև կորտիզոլ հորմոնի անալիզը: Այն, որպես կանոն, հսկում են այն կանանց մոտ, ովքեր պատրաստվում են արհեստական բեղմնավորման: Այնուամենայնիվ, հարկ է հաշվի առնել, որ կորտիզոլը կարող է ցատկել նույնիսկ փոքր սթրեսի և հուզմունքի ժամանակ, և արդյունքում թեստի արդյունքները չեն լինի միանշանակ:

Բացի այդ, հիվանդները կարող են խնայել Էփշտեյն-Բար (Epstein-Barr)  վիրուսի, ցիտոմեգալովիրուսի և հելիկոբակտեր պիլորի վարակի (Helicobacter pylori) անալիզի համար: Առաջին երկու հիվանդությունները 99.9% դեպքերում ունենում են մանկության շրջանում,իսկ եթե կասկածում եք Helicobacter pylori- ին, ապա ավելի հուսալի կլինի գաստրոսկոպիա կամ բիոպսիա անել:

Օնկոմարկերներն իրենց հերթին նույնպես շատ անհրաժեշտ չեն չարորակ նորագոյացությունների ախտորոշման համար: Քաղցկեղը հաստատելու համար նախ և առաջ անհրաժեշտ է բիոպսիա, իսկ հետագայում օնկոմարկերները կօգնեն միայն հիվանդության դինամիկային հետևելուն:

Մեծ գումարներ են ծախսվում նաև վահանաձև գեղձը խթանող հորմոնի (թիրեոտրոպ հորմոն ԹՏՀ) ընկալիչների հակամարմինների հետազոտության համար: Դա արվում է միայն մեկ անգամ` թիրեոտոքսիկոզ հիվանդությունը հաստատելու համար: Հետագայում անհրաժեշտ չէ այն հանձնել, չնայած այն հանգամանքին, որ բժիշկները սովորաբար նշանակում են երկուսն էլ՝ ԹՏՀ և այս հորմոնի հակամարմիններ ընկալիչների:

Ուֆիմցևան խորհուրդ չի տալիս գումար ծախսել ինսուլինի և C- պեպտիդի անալիզի համար, դրանք կարելի է ստուգել ոչ ավելի, քան վեց ամիսը մեկ անգամ: Իսկ Beta-Cross laps և օստեոկալցինի հետազոտությունը  ճշգրիտ կանխատեսումներ չեն տալիս:

Աղբյուր` Փաստինֆո