Փաստ ինֆո

«Ուզում եմ ընդգծել, որ այս տարի այս օրը մենք նշում ենք առանձահատուկ պայմաններում, երբ բոլորս ականատես եղանք հրշեջ փրկարարների, փրկարարների հսկայածավալ աշխատանքին, որը նրանք իրականացրին և շարունակում են իրականացնել հանրապետության ողջ տարածքում»,- այսօր ԱԻՆ աշխատողի օրվան նվիրված միջոցառմանն ասաց ՀՀ վարչապետ Նիկոլ Փաշինյանը։

Նա նշեց, որ առանց չափազանցության կարելի է արձանագրել, որ այս տարի փրկարար ծառայության աշխատողները, արտակարգ իրավիճակների աշխատողները իրենց անձնուրաց աշխատանքով կառավարել են այնպիսի ռիսկեր, որոնք կարող էին Հայաստանին և ժողովրդին կանգնեցնել լուրջ աղետների առաջ։

«Ուզում եմ այսօրվա առիթով ևս մեկ անգամ շնորհակալություն հայտնել բոլորիդ ձեր կատարած անձնուրաց աշխատանքի առիթով և ուզում եմ հույս, ցանկություն ու համոզմունք հայտնել, որ առաջիկայում էլ այդ աշխատանքի մեջ կլինեք նույնքան նվիրված»,-ասաց վարչապետը։
Նա ընդգծեց, որ կառավարության օրակարգում արտակարգ իրավիճակներն արդյունավետ կառավարելու հարցը պետք է լինի մշտական ուշադրության կենտրոնում և կառավարությունն առանձնահատուկ ուշադրություն պետք է դարձնի արտակարգ իրավիճակների աշխատողների սոցիալական պաշտպանվածության ու երաշխիքների խնդրին։

«Մենք պետք է առանձնահատուկ ուշադրություն դարձնենք ԱԻՆ փրկարար ծառայության տեխնիկական հագեցվածության խնդրին, այդ առումով մենք պետք է նույնքան մեծ ուշադրություն դարձնենք արտակարգ իրավիճակների նկատմամբ մեր քաղաքացիների իրազեկվածության աստիճանի բարձրացմանը.,-շեշտեց Փաշինյանը։

Մանրամասները՝ տեսանյութում։

Աղբյուր` Փաստինֆո