Փաստ ինֆո

Բուրավետ էլեկտրոնային սիգարետի օգտագործման լիակատար արգելքը կմտցնեն ամերիկյան Միչիգան նահանգում: Այս մասին հայտարարել է նահանգապետ Գրեթհեն Ուիթմերը, հաղորդում է Associated Press- ը:

Կնոջ խոսքերով, նա հրամայել է առողջապահության դեպարտամենտին  հատուկ արտակարգ կանոններ հրապարակել: Դրանք արգելելու են վեյփերի համար անուշահոտ նիկոտինային մթերքների վաճառքը և գովազդը: Ուիթմերը նշել է, որ իշխանությունների հիմնական խնդիրն է՝ պաշտպանել երեխաներին էլեկտրոնային սիգարետների բացասական ազդեցությունից:

Ներկայումս ինչպես դաշնային օրենսդրությունը, այնպես էլ ԱՄՆ-ի գրեթե բոլոր նահանգների օրենքները արգելում են անչափահասներին էլեկտրոնային սիգարետների վաճառքը: Իսկ Միչիգանը պետք է լինի առաջին նահանգը, որտեղ կարգելվեն անուշահոտ վեյփերը նաև մեծահասակների համար:

Միևնույն ժամանակ, նման հայտարարությունն արդեն քննադատվել է Ամերիկյան  վեյփինգ ընկերության կողմից (Vaping Association): Կազմակերպությունը նշել է, որ այդ արգելքը կարող է դրդել հազարավոր նախկին ծխողների՝ կրկին վերադառնալ մահացու ծխախոտների օգտագործմանը: Ասոցիացիան նաև մտադիր է նաև աջակցել դատական հայցերին, որոնք ուղղված են սահմանափակման չեղարկմանը:

Ինչպես ավելի վաղ հայտնել է «Reuters» գործակալությունը,  ԱՄՆ-ում ներկայումս ուսումնասիրվում են շնչառական հիվանդությունների դեպքերը, որոնք, հավանաբար, կապված են էլեկտրոնային սիգարետների և վեյփերի օգտագործման հետ: Օգոստոսի 27-ի դրությամբ գրանցվել է ընդհանուր առմամբ հիվանդացման 215 դեպք: Ընդ որում՝ դրա ճշգրիտ պատճառը դեռ հայտնի չէ:

Աղբյուր` Փաստինֆո