Փաստ ինֆո

Թուրքիայի արտգործնախարար Մևլութ Չավուշողլուն հայտարարել է Ռուսաստանից լրացուցիչ S-400 զենիթահրթիռային համակարգերի  (ԶՀՀ) լրացուցիչ մարտկոցներ գնելու պատրաստակամության մասին, եթե Անկարան չկարողանա գնել «Patriot» ԶՀՀ համակարգեր Վաշինգտոնից:

«Մենք դեռ կարիք ունենք նմանատիպ համակարգերի այնքան ժամանակ, մինչև կարողանանք արտադրել մեր սեփականը: Եթե մեզ հաջողվի գնել նմանօրինակը ԱՄՆ-ից, մենք կգնենք «Patriot» զենիթահրթիռային համակարգերը: Բայց եթե չստացվի, մենք կգնենք ևս մեկ C- 400 Ռուսաստանից, Թուրքիան անկախ երկիր է», - հայտարարել է նախարարը Բլեդ քաղաքում անցկացվող XIV-րդ միջազգային ռազմավարական ֆորումում:

Թուրքիան մի քանի տարի փորձել է բանակցություններ վարել միացյալ նահանգների հետ իրեն «Patriot» համակարգերը վաճառելու վերաբերյալ, բայց Վաշինգտոնը չէր գնում նման գործարքի, և այդ պատճառով Անկարան որոշել է հակահրթիռային պաշտպանության միջոցները գնել Ռուսաստանից:

2017-ի սեպտեմբերին Ռուսաստանի Դաշնությունը հայտարարել է S-400 մատակարարման վերաբերյալ Թուրքիայի հետ կնքված պայմանագրի մասին, որի արժեքը կազմում է 2,5 միլիարդ դոլար: Անկարան կստանա գնդի հավաքածու (երկու ստորաբաժանում): Պայմանագիրը ենթադրում է արտադրական տեխնոլոգիաների մասնակի փոխանցում թուրքական կողմին: Առաջին առաքումները սկսվել են հուլիսի 12-ին:

Թուրքիայի կողմից S-400- ի ձեռքբերմանը ակտիվորեն դեմ են արտահայտվում ԱՄՆ-ն և ՆԱՏՕ-ն: Հուլիսի 17-ին Սպիտակ տան խոսնակը գրավոր հայտարարության մեջ հայտնել է, որ Թուրքիայի ռուսական Ս -400 հակաօդային պաշտպանության համակարգ ձեռք բերելու որոշումը անհնարին է դարձնում նրա համար հինգերորդ սերնդի F-35 ամերիկյան կործանիչ-ռմբակոծիչների ստեղծման ծրագրի մեջ հետագա մասնակցությունը:

Աղբյուր` Փաստինֆո