Փաստ ինֆո

ԱՄՆ-ից 18-ամյա աղջիկ Մեդի Նելսոնը քիչ էր մնում մահանար երեք տարի էլեկտրոնային սիգարետ ծխելու պատճառով: Նրա կյանքը փրկելու համար բժիշկները ստիպված են եղել աղջկան մտցնել դեղորայքային կոմայի մեջ:

Ըստ The Sun- ի տվյալների՝ Մեդիի վիճակն օրեց օր վատթարանում էր, բայց նա ոչ մի կերպ չէր կապում դա իր վատ սովորության հետ: Ամեն ինչ սկսվել է անընդհատ սրտխառնոցով, իսկ հետո աղջիկը լուրջ ցավեր է ունեցել մեջքի և երիկամների շրջանում, և կտրուկ բարձրացել է մարմնի ջերմաստիճանը:

Երբ աղջիկն այլևս չէր կարող ինքնուրույն շնչել, նրան ուղարկեցին վերակենդանացման բաժանմունք: Այնուհետև Մեդդիի վիճակը փոխվեց ծանրից պոտենցիալ մահացուի, և բժիշկները որոշեցին մտցնել նրան արհեստական կոմայի մեջ, որպեսզի բուժման համար ժամանակ շահեն:

Ռենտգեն հետազոտությունը ցույց է տվել, որ աղջկա թոքերը լուրջ վնասված են, նրա մոտ հայտնաբերել են սուր էոզինոֆիլային թոքաբորբ: Պարզվել է, որ թոքերում կուտակված հեղուկը դարձել է «իդեալական միջավայր բակտերիաների աճի և վարակի առաջացման համար»: Ըստ բժիշկների, աղջկա թոքերում խոնավության մակարդակը բարձրացել է հենց վեյփի պատճառով:

Մադին այժմ դուրս է բերվել կոմայից: Նա կարողանում է շնչել և ուտել և նորմալ է զգում իրեն, բայց բժիշկները չեն կարող հաստատ ասել, կարող է նա  արդյոք լիովին վերականգնվել, թե ոչ:

Հիշեցնենք, որ ավելի վաղ միացյալ նահանգներում գրանցվել էր էլեկտրոնային ծխախոտ ծխելու հետևանքով առաջին մահը, իսկ մինչ այդ ավելի քան 20 ամերիկացի թունավորվել էին վեյփից:

Աղբյուր` Փաստինֆո