Փաստ ինֆո

Փաստաբան Նորայր Նորիկյանը ֆեյսբուքյան իր էջում գրել է, որ հնարավորինս մանրամասնորեն ծանոթանում եմ «Դատական և իրավական բարեփոխումների 2019-2023թթ. ռամավարությանը», ինչի հաստատվելու դեպքում, ըստ նրա, Հայաստանը վերածվելու է մեծ դատարանի։

Նոիիկյանի գրառումը՝ ստորեւ.

«Ռազմավարությամբ ամրագրված է, որ նախատեսվում է անցումային արդարադատության գործիքակազմի կիրառման միջոցով ամրապնդել իրավունքի գերակայությունը, անցկացնել սահմանադրական բարեփոխումներր և մի շարք այլ լրջագույն քայլեր:

Առաջիկա օրերի ընթացքում առավել մանրամասն հնարավորություն կունենամ անդրադառնալու այս ծավալուն փաստաթղթին, միայն նշեմ, որ եթե հաստատվի այս ռազմավարությունը, ապա առաջիկա 4 տարիների ընթացքում միայն անցումային արդարադատության իրականացման համատեքստում 20 հոգանոց փաստահավաք հանձնաժողովի կողմից ուսումնասիրվելու է 1991-2018թթ. ժամանակահատվածի ընտրական գործընթացների և մի շարք այլ կարևոր ոլորտների իրադարձությունները:
Այլ կերպ ասած, առաջիկա 4 տարում Հայաստանը վերածվելու է մեծ դատարանի, որտեղ քննության են առնվելու անկախության ողջ ժամանակաշրջանի կարևորագույն դեմքերն ու դեպքերը:
Տեսնենք, թե ինչ դուրս կգա սրանից...»

Ավելի վաղ  «Փաստինֆո»-ն հայտնել է, որ Արդարադատության նախարարությունն իրավական ակտերի նախագծերի միասնական կայքում օրերս հրապարակեց «ՀՀ դատական և իրավական բարեփոխումների 2019-2023 թվականների ռազմավարությունը և դրանից բխող գործողությունների ծրագրերը հաստատելու մասին» ՀՀ կառավարության որոշման նախագիծը, որով սահմանվում է անցումային արդարադատության գործիքակազմը, ինչն իրենց ենթադրում է Փաստահավաք հանձնաժողովի ստեղծում։ Նախատեսվում է, որ Հանձնաժողովը կհավաքի մարդու իրավունքների զանգվածային, պարբերական խախտումների վերաբերյալ փաստեր՝ ուսումնասիրելով 1991-2018 թթ ընտրական, հետընտրական գործընթացները, քաղաքական հետապնդումները, գույքի հարկադիր օտարումները եւ այլն։

Աղբյուր` Փաստինֆո