Փաստ ինֆո

Լոլիտան ներկայացել է Սոչիում անցկացվող «Новая волна» փառատոնին և պատմել, թե ինչ է կատարվում իր հոգում: Ըստ երգչուհու՝ նա դեռ շատ ծանր է տանում ամուսնու՝ Դմիտրի Իվանովի հետ, բաժանությունը: Այս մասին  գրում է Starhit– ը: Եվ նույնիսկ լսում է հոգեբանի դասախոսությունները, որպեսզի կարողանա լուծել ներքին խնդիրները:

«Ես բնավ ուժեղ չեմ, ինչպես կարծում են շատերը: Ես նույնպես ցավ եմ ապրում, ինչպես և բոլորը: Երբեմն չգիտես, թե ինչ պետք է անել դրա հետ: Եվ, ի վերջո, չկա որևէ համընդհանուր բաղադրատոմս»:

Երգչուհին խոստովանել է նաև, որ գիշերները առաջվա պես շարունակում է գրել «սարսափելի» հաղորդագրություններ նախկին ընտրյալին, ինչի համար հետո ամաչում է, հայտնում է «Телепрограмма»-ն: Իսկ վերջերս, երբ երկրպագուները զույգին խորհուրդ են տվել վերսկսել հարաբերությունները, նա ակնարկել է, որ Դմիտրին արդեն իսկ ունի մեկ ուրիշին:

«Այն մասին, թե ինչ է կատարվում իմ հոգում, խոսում են այն բազմաթիվ SMS- ները, որոնք ես գրում եմ գիշերները Դիմային, իսկ հետո ես ներողություն եմ խնդրում դրա համար: Բայց նա իմաստունաբար է մոտենում դրան, նա ամեն ինչ հասկանում է: Ես միշտ ասել եմ, որ լինելով ինձանից 12 տարով երիտասարդ, նա շատ ավելի իմաստուն է, քան ես »:

Այնուամենայնիվ, Լոլիտան փորձում է սթափ նայել իրավիճակին և ազնվորեն գնահատել խնդրի մեծությունը:

«Միգուցե կան այնպիսի փոխհարաբերություններ, երբ մարդիկ բաժանվում են և միաժամանակ ժպտում: Ես չեմ ուզում ձևացնել, որ ես ամուր եմ, որ, իբր, այսպիսիններից չեն հեռանում: Հեռանալ կարող են ցանկացած մեկից », - ասել է նա:

Աղբյուր` Փաստինֆո