Փաստ ինֆո

Հեռուստահաղորդավար Վլադիմիր Պոզները խոսել է ժողովրդավարության բացասական կողմերի մասին՝ այն համեմատելով «Բրիտանական հանրագիտարանի» ժամանակակից էլեկտրոնային ձևով վերահրատարակելու հետ: Նրա խոսքերը հրապարակված են «Pozner Online» կայքում:

Պոզները նշել է, որ նախկինում հեղինակավոր թանկարժեք հրատարակությունը ցանկացած գրադարանի զարդարանք էր և հաճելի էր այն պահել ձեռքերում, սակայն 2013 թվականից այն դադարել են թողարկել: «Սա այն բանի ցուցանիշն է, թե ուր ենք մենք գնում», - ասել է լրագրողը՝ նշելով, որ նման առաջընթացը միշտ չէ, որ դրական է, և ժողովրդավարացումը ի վերջո կհանգեցնի անկանխատեսելի կորուստների:

Նա հիշատակել է ֆրանսիացի գրող Ալեքսիս Թոքվիլին (Alexis de Tocqueville), ով գրել է «Ժողովրդավարությունը Ամերիկայում» գիրքը այդ երկրում շրջելուց հետո: «Ժողովրդավարությունը վերցնում է մեր բոլոր արտոնությունները և «քսմսում է բարակ շերտով », որպեսզի բոլորի մոտ դրանից լինի», - մեջբերում է Պոզները:

Հեղինակը նշել է, որ, ընդհանուր առմամբ, դա լավ է, բայց նման հասարակությունը երբեք չի հասնի նրան, ինչին հասնում են դասակարգային անհավասարության պայմաններում, քանի որ մարդը կարող է ինքնակատարելագործման ճանապարհը բռնել, եթե կարիք չունի ինքն իրեն կերակրելու: «Նրանք հոգնել են մեզ կերակրելուց, ես դա հասկանում եմ: Բայց նրանք երբեք այդպիսինը չեն լինի, նրանք չեն հասնի դրան», - մեջբերում է հաղորդավարը Թոքվիլին:

Եզրափակելով, Պոսները նշել է, որ էական տարբերություն կա վիսկիով կամ պլանշետով ժամանցի և գրքի միջև:

Աղբյուր` Փաստինֆո