Փաստ ինֆո

Իսրայելցի գրող և ռաբբի Ռոն Քրոնիշը պաղեստինա-իսրայելական հակամարտության լուծման պայմաններից մեկը անվանել է Դոնալդ Թրամփի հրաժարականը միացյալ նահանգների նախագահի պաշտոնից: Այս մասին նա ասել է The Times of Israel պարբերականին:

Գրողը կարծում է, որ ԱՄՆ-ին նոր առաջնորդ է պետք: Նա հավելել է, որ հակամարտության մեջ Թրամփը աջակցում է միայն իսրայելական կառավարությանը, ինչը, նրա կարծիքով, սխալ է:

Քրոնիշը կարծում է, որ Պաղեստինի և Իսրայելի միջև խաղաղությունը տեղի է ունենալու բնիկ ժողովուրդների միջև համաձայնագրի կնքումից հետո: Գրողը հայտարարել է, որ Իսրայելի ներկայիս վարչապետ Բենյամին Նեթանյահուն և Պաղեստինի առաջնորդ Մահմուդ Աբբասը ի զորու չեն և չեն ցանկանում էապես շարժվել խաղաղության համաձայնագրին ընդառաջ:

Ինչպես Իսրայելի, այնպես էլ Պաղեստինի ժողովուրդը պետք է ընտրեն նոր առաջնորդներ: Նա որպես օրինակ նշում է Եգիպտոսը և Հորդանանը, որոնք Իսրայելի հետ խաղաղության համաձայնագրեր են կնքել և ապահովել իրենց կայուն գոյությունը:

Այս տարվա ապրիլին Սպիտակ տունը հայտարարեց «դարի գործարքը»՝ուղղված պաղեստինա-իսրայելական հակամարտության կարգավորմանը: ԱՄՆ-ը նախատեսում է բաժանել Երուսաղեմը և ստեղծել պաղեստինյան պետություն: Հունիսի 23-ին առաջարկություն է արվել այս ծրագրի իրականացման համար հատկացնել 50 միլիարդ դոլար:

2017-ի դեկտեմբերին Դոնալդ Թրամփը Երուսաղեմը ճանաչեց որպես Իսրայելի մայրաքաղաք, չնայած այն հանգամանքին, որ ՄԱԿ-ը Թել Ավիվը համարում է երկրի պաշտոնական կենտրոն:

Աղբյուր` Փաստինֆո