Փաստ ինֆո

Վերջերս Ռուսաստանի դպրոցականներին  վախեցրել են՝ սպառնալով, որ սեպտեմբերի 1-ին նրանցից վերցվելու են սմարթֆոնները: Ըստ լուսավորության նախարարության, բջջային հեռախոսների պատճառով երեխաները դառնում են հիպերակտիվ և դյուրագրգիռ, և գաջեթները նաև շեղում են նրանց դասերից և խանգարում ուսուցիչին: Օրինակ, Ֆրանսիայում արգելվել են ցանկացած սմարթֆոն, պլանշետ և նույնիսկ «խելացի ժամացույցները»:

Դժբախտաբար, այս շաբաթ հանրությունը կրկին խոսեց երեխաների համար գաջեթների օգտակարության և վնասակարության մասին: Առիթը Ուլյանովսկի դեռահասի մղձավանջային պատմությունն էր, որը սպանել էր իր ամբողջ ընտանիքին:

Սուսիկ-փուսիկ գերազանց աշակերտ, չէր գրավում ոչ խնամակալ մարմինների, ոչ հոգեբույժի ոադրությունը, ջանասիրաբար սովորում էր և նաև շատ ժամանակ էր անցկացնում համակարգչի առաջ: Կարո՞ղ էր արդյոք անբացատրելի խելագարությունը պատահել համացանցի և համակարգչային խաղերով տարվելու ֆոնի վրա: Դժվար է հավատալ, եթե չլինեին սարսափելի օրինակները, երբ դեռահասները վրեժ են լուծում իրենց սիրելիներից, որոնք փորձել են նրանց վիրտուալ աշխարհից դուրս քաշել դեպի իրական կյանք:

Վոլոգդայից Ալեքսեյը կացնով հարձակվել է մոր վրա և սպանել նրան, երբ նրան արգելել են խաղեր խաղալ: Իսկ ԱՄՆ-ում հայրը կոտրել է խաղի վահանակը, որպեսզի իր որդուն դուրս հանի՝ ֆուտբոլ խաղալու: Երեխայի մոտ հիստերիկա է սկսվել:

Ինչու՞ է այդքան դժվար հեռախոսով նստելու կամ հավելվածներով խաղալու սովորությունից ազատվելը: Դրա համար կա գիտական բացատրություն: Հոգեբան Բեքի Սպելմանը պնդում է, որ ուղեղը հարմարվում է և սկսում է աստիճանաբար կախվածություն ձեռք բերել հեռախոսից: Կնոջ կարծիքով՝ մարդիկ առանց հեռախոսների սկսում են զգալ անհարմարավետություն և նույնիսկ տագնապ:

Աննա Գոնչարովան, բժշկական գիտությունների դոկտոր. «Մենք տանուլ ենք տալիս խաղամոլության հետ պայքարում:  Ցավի դեմ պայքարելը շատ հեշտ է, հեշտ է պայքարել վախի դեմ, քանի որ դրանք բացասական հույզեր են: Իսկ եթե մարդը լավ է զգում իրեն, ինչո՞ւ պետք է պայքարի: Ընդհակառակը, նա ցանկանում է կրկին ու կրկին ունենալ այդ զարմանալի զգացողությունը »:

Աղբյուր` Փաստինֆո