Փաստ ինֆո

Եթե Ռուսաստանը հաջորդ G-7 գագաթնաժողովին մասնակցելու հրավեր ստանա, այն կդիտարկվի: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, РИА Новости-ի փոխանցմամբ:

«Նախագահ Պուտինը մամուլի ասուլիսում արդեն պատասխանել է, եթե դա տեղի ունենա, ապա մենք անպայման կքննարկենք», - ասել է Պեսկովը:

Ավելի վաղ՝ օգոստոսի 25-ին, հաղորդվել է, որ ԱՄՆ նախագահ Դոնալդ Թրամփը հնարավոր է համարել իր ռուս գործընկերոջ՝ Վլադիմիր Պուտինի, հրավերը G7- ի հաջորդ գագաթնաժողովին: Ըստ նրա, «Մեծ յոթյակի» երկրների ղեկավարները քննարկել են հնարավոր վերադարձը G8 ձևաչափի, սակայն նա հաստատ չգիտի՝ տեղի կունենա դա արդյոք:

Իր հերթին, Ճապոնիայի կառավարության ներկայացուցիչը Kyodo  գործակալության հետ զրույցում շեշտել է, որ G7 ձևաչափի շրջանակներում Ռուսաստանի մասին խոսակցության բովանդակությունը «երբեք չի բացահայտվի»:

G8 ձևաչափը դադարեց գոյություն ունենալ 2014 թ-ին Ղրիմը Ռուսաստանին միացնելուց հետո: Այն ժամանակ աշխարհի առաջատար տերությունների առաջնորդները հրաժարվեցին մասնակցել G8 գագաթնաժողովին, որը Ռուսաստանը, որպես նախագահ, պետք է անցկացներ Սոչիում: Փոխարենը Բրյուսելում կայացավ G7- ի հանդիպում - G7 (Ֆրանսիա, Մեծ Բրիտանիա, ԱՄՆ, Գերմանիա, Ճապոնիա, Իտալիա և Կանադա): Գագաթաժողովին մասնակցում են նաև Եվրամիության ներկայացուցիչները (ԵՄ խորհրդի և Եվրահանձնաժողովի նախագահները):

Աղբյուր` Փաստինֆո