Փաստ ինֆո

Շաքարային դիաբետով երեխաներին աջակցություն ցուցաբերելու ծրագրեր իրականացնող Էստոնական МТÜ Sweetest Kids (‹‹քաղցր երեխաներ››) բարեգործական կազմակերպությունն արդեն մեկ տարեկան է: Եվ այս տարվա ընթացքում իրենց գործին հավատարիմ մարդիկ քիչ բան չեն հասցրել անել: Նախարարությունների և գերատեսչությունների, անվանի սպորտսմենների, հոգևորականության, կրթության բնագավառի ներկայացուցիչների, ինչպես նաև դիաբետիկ երեխաների ծնողների մասնակցությամբ մամուլի ասուլիսը տեղի ունեցավ Ա.Բաբաջանյանի անվան ֆիլարմոնիայում օգոստոսի 21-ին երեկոյան:

Միջոցառումը բացեց ‹‹Քաղցր երեխաներ››-ի հիմնադիր և նախագահ Հայկ Մուրադյանը: Նա ամփոփեց կատարված աշխանքի արդյունքները, պատմեց հետագա ծրագրերի և նախաձեռնությունների մասին: Այսպես, մեկ տարվա ընթացքում էական օգնություն են ստացել բարեգործական կազմակերպության ցուցակներում հաշվառման մեջ գտնվող ավելի քան 40 դիաբետիկ երեխաներ: Նրանց պարբերաբար տրամադրվել են գլյուկոմետրեր կամ արյան մեջ շաքարի մակարդակը որոշելու համար կոնտուրներ, համապատասխան թեստ-ստրիպեր և այլն: Մինչ օրս կազմակերպության գործունեությունն իրականացվել է միայն Երևանում: Ծրագրված է ընդլայնում, աշխատանք մարզերում: Ընդ որում, խոսքը գնում է շաքարային դիաբետով երեխաների կյանքում բարեգործական կազմակերպության համալիր մասնակցության մասին ինպե՛ս մայրաքաղաքում, այնպե՛ս էլ նրա սահմաններից դուրս:

‹‹Մենք մտադիր ենք ոչ միայն բժկական աջակցություն ցուցաբարել, այլ նաև ուսուցողական-հոգեբանական ժրագրեր իրականացնել››, նշեց Ա.Մուրադյանը: Նա կոչ արեց ներկաներին՝ ըստ հնարավորին աջակցություն ցուցաբերել փոքրիկ դիաբետիկներին: Խոսքը գնում է ֆիանանսական ազդեցությունների մասին: Պարզապես, իր ոլորտի յուրաքանչյուր ներկայացուցիչ կարող է մասնակցություն ունենալ այս երեխաների կյանքն ավելի հետաքրքիր, հագեցված և ճանաչողական դարձնելու հարցում: Ա.Մուրադյանի խոսքերով՝ անհրաժեշտ է ամեն հնարավոր բան անել, որպեսզի դիաբետիկ երեխաներն ինտերգրվեն հասարակությունում:

Միջոցառմանը ելույթ ունեցան նաև Էստոնիայից հյուրեր Տիյու Սիլլավեսը և Աարե Ռյատսեպը, ովքեր իրենց երախտագիտությունը հայտնեցին Ա.Մուրադյանին նրա կարևոր գործունեության համար, որում իրենք անմիջական մասնակցություն ունեն: Էստոնացի հյուրերը, իրենց հերթին, պատմեցին դիաբետիկ երեխաների հետ աշխատանքում իրենց երկրի փորձի մասին:

Իսկ օգոստոսի 23-ից 26-ը ‹‹Քաղցր երեխաներ›› բարեգործական կազմակերպությունը հաշվառման կանգնած բոլոր երեխաների համար կազմակերպում է մեկնում Սևանի ‹‹Ժայռ›› հանգստյան գոտի : Այնտեղ նրանց համար կազմակերպված է սպորտային-կրթական թեքումով ամառային ճամբար: Ինչպես նշեց Ա.Մուրադյանը՝ երեխաներին սպասում են բազմաթիվ անակնկալներ և հետաքրքիր զվարճանքներ: Բարի ճանապա՜րհ:

Աղբյուր` Փաստինֆո