Փաստ ինֆո

«Ես անձամբ ամեն բան կարդացել եմ, որ ասում եք ժողովրդի ձայնը լսեք, ժողովրդի ձայնը միշտ էլ լսվել է և չի էլ կարող չլսվել։ Ինչպես անցյալ տարի ես հայտարարել եմ այս հարցի լուծումը կարող է լինել հենված ՀՀ-ի հավասարակշռված շահի վրա»,-այս մասին այսօր Ջերմուկ քաղաքում իր ելույթի ժամանակ ասաց ՀՀ վարչապետ Նիկոլ Փաշինյանը, անդրադառնալով Մուսաների շահագործմանը։

Նա ընդգծել է, որ եթե պարզվի ճիշտ են պնդումները, թե շահագործման հետևանքով հողը, ջուրն ու օդը կեղտոտվելու են, ապա հանքը միանշանակ չի շահագործվի։

«Բայց եթե պարզվի այդպես չէ, դա ուրիշ իրավիճակ է։ Այն օրն իմ աշխատասենյակում ժամ ու կես հարցաքննել եմ դիմացի սարի արոտի խոտի վերաբերյալ, որն ուտում է այն ոչխարը, որին պահում ենք մենք և մեր խոշոր եղջերավոր անասունը, որի միսն ու կաթը սպառվում ՀՀ շուկայում»,-ասել է վարչապետը։

Նա նշել է՝ միակ խնդիրն այն է, որ ինչ-որ պահից մարդիկ իրար չեն լսում։

«Ձեր գրած բոլոր նամակներն, անձամբ կարդացել եմ, չեմ ասել կարդացեք զեկուցեք։ Այս քրեական գործը  հարուցվել է իմ նախաձեռնությամբ, միջազգային փորձաքննությունն եղել է իմ նախաձեռնությամբ և այն ձեր առաջ իմ ստանձնած պարտականությունն է եղել»,-ասաց վարչապետը։

« «Էլ Արդ»-ի եզրակացությունը կա և դրա հետ կապված տարբեր կարծիքներ կան, պաշտոնական եզրակացությունն այն է, որ Ջերմուկի, Սևանի հետ կապված վտանգ չկա, կարդացել եք, գիտեք։ Կա մեկնաբանություն խնդիր, և քանի որ սրա շուրջ բանավեճ է առաջացել, ես որոշել եմ հինգշաբթի կամ ուրբաթ «Էլ Արդ»-ի փորձագիտական խմբի հետ ունենալու Skype կոնֆերանս»,-ասաց Փաշինյանն ու քաղաքացիներին հորդորեց ձևակերպել այն բոլոր հարցերը, որոնց պատասխանները կցանկանան սատանալ։

Հեղինակ` Սոնա Գեւորգյան