Փաստ ինֆո

«Ես տասնյակ անգամներ ասել եմ՝ եթե այս առաջարկը, նախագիծը իմ վարչապետ ընտրվելուց հետո գոնե նախնական փուլում լիներ, իմ դիրքորոշումը հստակ կլիներ, բայց այժմ կան պրոցեսներ»,- «Փաստինֆո»-ի հաղորդմամբ՝ այս մասին Նիկոլ Փաշինյանն ասաց Ջերմուկի բնակիչներից մեկի հետ զրույցում. «Եթե ասում են՝ Ամուլսարը սար է մնալու, նույն տրամաբանությամբ Ամուլսարը այսօր էլ սար չէ, որովհետեւ այնտեղ 400 միլիոն դոլարի քանդել են»։

Բնակչի հարցին՝ բայց գիտե՞ք ՝ փոշին ինչ վնաս է, ինքն առաջ ամեն օր տունը չէր մաքրում, Փաշինյանն արձագանքեց. «Հիմա էստեղ փոշի կա՞»։

Երբ բնակիչն ասաց, որ ինքն արդեն մաքրել է, Նիկոլ Փաշինյանը որոշեց գնալ մի այլ բնակչի տուն. «Հիմա ես մի էքսպերիմենտ եմ անելու, էնպես չի, որ Ձեզ չեմ վստահում, բայց ասում են, չէ՞, доверяй, но проверяй, հիմա մի չլվացված տեղ եմ գտնելու՝ տեսնեմ փոշին կա թե չէ»,-ասաց վարչապետը։

Հեղինակ` Միլենա Խաչիկյան