Փաստ ինֆո

33-ամյա մոսկվացի Օլեգ Լետունովսկու ընտանիքը, որին հունիսին գտել են մահացած թուրքական Քեմերի հինգաստղանի  «Armas Kaplan Paradise» հյուրանոցում, չի հավատացել տղամարդու ինքնասպանության մասին տեղական իշխանությունների վարկածին: Օլեգի հարազատները սկսել են դեպքի իրենց հետաքննությունը: Այս մասին հայտնում է «360» ալիքը:

«Մեզ համար դա ընդհանրապես ցնցում էր: Քանի որ չկար դրա և ոչ մի նախադրյալ: Նա ուներ լավ աշխատանք, հարաբերություններ ընկերների, ընտանիքի, հարազատների հետ. ամեն ինչ նորմալ էր: Պատրաստվում էր վարորդական իրավունք ստանալ, մեքենա գնել: Այսպիսի նորմալ կյանքի ծրագրեր: Ոչ մի դեպքում նա չէր պատրաստվում այլ աշխարհ գնալուն», - ասել է Օլեգի եղբայրը՝ Սերգեյ Լետունովսկին:

Մահացածի հարազատները թռչել են Թուրքիա և այնտեղ փաստաբան են վարձել: Նա հարցում է արել հյուրանոցի հսկողության տեսախցիկներից տեսանյութերի վերաբերյալ, սակայն այնտեղ ասել են, որ դրանք բոլորը չեն աշխատել այն օրը, երբ Օլեգը մեռած է գտնվել:

Ռուս պաթոլոգոանատոմներն, մինչդեռ, մահացածի մարմնի վրա էլեկտրաշոկերի հարվածի հետքեր են հայտնաբերել, որոնց մասին չեն հիշատակել իրենց թուրք գործընկերները: Հարազատները ստիպված են եղել դիմել ՌԴ  ՆԳՆ և դատախազության օգնությանը: Վերջինիս հայցով անհրաժեշտ գործողությունները իրականացնում է թուրքական ոստիկանությունը:

Բառացիորեն մի քանի օր առաջ Life- ը հաղորդել է, թե ինչպես է Թուրքիայում մեկ այլ ռուսաստանցի զբոսաշրջիկ զոհվել հյուրանոցի լողավազանում: Անթալիայում Ռուսաստանի գլխավոր հյուպատոս Օլեգ Ռոգոզան պատմել է տասնյակ ռուսաստանցի զբոսաշրջիկների մասին, որոնք այս տարվա մեջ մահացել են Թուրքիայում:

Աղբյուր` Փաստինֆո