Փաստ ինֆո

Կրասնոդարում քրեական գործ է հարուցվել 35-ամյա «օրենքով գող»  Դավիթ Ջանգիձեի դեմ, որը քրեական շրջանակներում հայտնի է որպես Դաթո Կրասնոդարսկի: Այս մասին երկուշաբթի, օգոստոսի 19-ին, «Lenta.ru» -ին հաղորդել է իրավապահ մարմիններում իր աղբյուրը:

Ջանգիձեին մեղադրանք է առաջադրվել ՌԴ քրեական օրենսգրքի 210.1-րդ հոդվածով («Քրեական հիերարխիայում ամենաբարձր պաշտոնը զբաղեցնելը»). այն նախատեսում է մինչև 15 տարվա ազատազրկում և տուգանք՝ մինչև հինգ միլիոն ռուբլի: Կասկածյալը ձերբակալվել է օգոստոսի 19-ին դատարանի որոշմամբ, և առաջիկայում նրան կառաջադրվի մեղադրանք:

Ռուսաստանի քննչական կոմիտեի մարզային վարչությունում  հաստատել են տեղի «օրենքով գողերից»  մեկի դեմ հարուցված քրեական գործի փաստը, սակայն հրաժարվել են տալ ձերբակալվածի անունը:

«Քննության տվյալներով, 2013 թվականի հունիսից Կրասնոդարի 35-ամյա բնակիչը քրեական միջավայրում զբաղեցրել է քրեական հիերարխիայի ամենաբարձր դիրքը: Ավելի ցածր քրեական կարգավիճակ ունեցող անձինք ենթարկվում էին նրա ցուցումներին և կարգադրություններին: Ձերբակալվածն ինքը հավատարիմ է եղել հանցավոր գաղափարախոսությանը », - ասել է վարչության պաշտոնական ներկայացուցիչ Էլլա Տյուկովան:

Տյուկովայի խոսքերով՝ կասկածյալը տարածել և պահպանել է այդ միջավայրի հանցավոր ավանդույթներն ու սովորույթները: Հանցագործ աշխարհում «օրենքով գողը» ուներ անառարկելի հեղինակություն և, շահադիտական նկատառումներից դրդված, նա իր ազդեցությունը տարածում էր Կրասնոդարի երկրամասի տարածքով մեկ:

Դավիթ Ջանգիձեն, օպերատիվ տվյալների համաձայն, 2009 թվականից հանդիսանում է Կրասնոդարի երկրամասի «նայողը», նա 2013-ին թագադրվել է Հռոմում՝ «վրաց» «օրենքով գողերի» հավաքույթի ժամանակ: Նրա հետ միասին կարգավիճակ  են ստացել Ռուսաստանի մարզերը նայող ևս հինգ հոգի, այդ թվում՝ Բոնդո Ստուրուան (Ղազախստանցի Բոնդո), Գեորգի Թորաձեն (Գոգա Քութաիսցի), Ռաջեն Շուլայան (Ռազեն Պիտերսկի), Իլյա Գագլոևը (Իլո Կալինինգրադսկին) և Արտեմ Սարգսյանը (Արտեմ Սարատովսկի): Ջանգիձեն դարձել է ամենաերիտասարդ «օրենքով գողը». Նախորդ տարի լրացել է նրա 29-րդ տարելիցը:

Աղբյուր` Փաստինֆո