Փաստ ինֆո

Պոռնոդերասանուհի և մոդել Միա Խալիֆան (Mia Khalifa) խոսել է մեծահասակների կինոինդուստրիայից հեռանալու պատճառների մասին: Խալիֆայից հարցազրույց է վերցրել Daily Beast կայքը:

Կինը խոստովանել է, որ որոշել է այլևս չնկարահանվել պոռնո ֆիլմերում հանրահայտ դառնալու պահից: «Երբ ես տեսա, թե ինչ է կատարվում ԶԼՄ-ներում, ես ուշքի եկա և հասկացա, թե իրականում ինչ եմ անում և ինչպես կազդի այդ ամենն իմ հետագա կյանքի վրա», - ասել է նա:

Դերասանուհու խոսքերով՝ նրա նպատակը երբեք չեն եղել համբավն ու գումարը: «Դա կեղտոտ փոքրիկ գաղտնիք էր, որը ես ուզում էի ունենալ, որպեսզի այլոք չխառնվեն այդ գործին», - բացատրել է  նա:

Նա ավելացրել է նաև, որ եկել է պոռնո՝ ինքնահաստատվելու որոնումներով, որը ստացել է՝ նկարահանվելով բաց տեսարաններով հոլովակներում: Խալիֆան խոստովանել է, որ առաջներում տղամարդիկ ուշադրություն չեն դարձրել իրեն և որ ինքը խնդիրներ ուներ ինքնագնահատականի հետ կապված:

Խալիֆան երկար ժամանակ չի նկարահանվել պոռնո ֆիլմերում՝  2014 թվականից մինչև 2015 թվականը: Կնոջ խոսքերով՝ այդ ամենից հետո նորմալ կյանքն ու գրասենյակային աշխատանքը նրա համար դարձել է գրեթե անհնար:

Խալիֆան հայտնի է դարձել պոռնո ֆիլմում իր դերով, որտեղ նկարահանվել է հիջաբով: Դրանից հետո դերասանուհին իր հասցեին բազմաթիվ սպառնալիքներ է ստացել:

Իր վերջին հարցազրույցներից մեկում Խալիֆան հայտնել է պոռնոյում իր վաստակի չափի մասին, ինչը պարզվել է այնքան մեծ չէր, որքան ենթադրում էին շատերը:

Աղբյուր` Փաստինֆո