Փաստ ինֆո

Անգլիական Ռեդիչ քաղաքի, Վուստերշիր նահանգ, բնակչուհին միկրոալիքային վառարանում եփել է  ձվերը և ծանր այրվածքներով տեղափոխվել է հիվանդանոց: Այս մասին հայտնում է The Sun- ը:

Օգոստոսի 6-ին  22-ամյա Բեթանի Ռոսերը (Bethany Rosser) որոշել է նախաճաշի համար ձու եփել: Ինտերնետում կարդալով պատրաստման «արագ և անվտանգ եղանակը», նա ձվերը դրել է չափազանց աղի  ջրի մեջ և վեց րոպե թողել միկրոալիքային վառարանում:

«Համաձայն կայքում տեղադրված հրահանգների՝ ձվերը պետք է միկրոալիքայինի մեջ եփվեր վեցից ութ րոպե: Ես որոշեցի ապահովագրվել  և վեց րոպե հետո հանեցի դուրս դրանք», - ասում են բրիտանուհին:

Երբ Ռոսերը հանել է ձվերը՝ ստուգելու պատրաստ է արդյոք, նրանցից մեկը պայթել և այրել է աղջկա դեմքի աջ կողմը: «Միկրոալիքային վառարանում նրանք ամբողջական են եղել», - նշել է տուժողը:

Աղջիկը անմիջապես շտապ օգնություն է կանչել, որից հետո նա դեմքի վնասված կողմը տեղադրել է սառը ջրի տակ: Բրիտանուհին պնդում է, որ կատարվածից հետո նրա աջ աչքի տեսողությունը վատթարացել է: «Հիմա իմ աչքն արդեն մի փոքր բացվել է, բայց ես տեսնում եմ ամեն ինչ մառախուղի մեջ», - բացատրել է նա: Բժիշկները դեռ չեն հստակեցրել, արդյոք նրանք կկարողանան լիովին վերականգնել աղջկա տեսողությունը:

Աղբյուր` Փաստինֆո