Փաստ ինֆո

Բժիշկ- դիետոլոգ Յուլիա Պանովան լրագրողներին ասել է, թե պանրի որ տեսակները հակացուցումներ և սահմանափակումներ ունեն մարդկանց տարբեր խմբերի համար:

Առողջության համար ամենավտանգավորը կարող է լինել բորբոսով պանիրը` ռոքֆոր, դորբլու, գորգոնզոլա, կամամբեր, բրի և նմանատիպ տեսակները: Ըստ սննդաբանի, դրանք պարունակում են թունավոր նյութեր, որոնք կարող են խթանել լիսթերիոզի, էնցեֆալիտի և մենինգիտի զարգացումը:

«Բորբոսով պանիրը անցանկալի է հղի և կերակրող կանանց, ինչպես նաև աղեստամոքսային տրակտի խնդիրներ ունեցող հիվանդների համար: Բացի այդ, բորբոսով պանրերը չարժե տալ հինգ տարեկանից փոքր երեխաներին»:

 Աղ դրված և կծու պանիրներ

Պանիրները, որոնք հասունանում են և պահվում աղաջրի մեջ, ինչպիսիք են՝ բրինզա պանիրը (ոչխարի պանիր) և սուլուգունին, պարունակում են շատ աղ:

«Պանրի թույլատրելի քանակությունը օրական 30-40 գրամ է: Աղ դրված պանիրները վնաս չեն պատճառի, եթե մեծ քանակությամբ չօգտագործել դրանք: Խորհուրդ չի տրվում գերազանցել նորմը և ամեն օր ուտել այս պանիրները սրտանոթային հիվանդություններ, ալերգիա, բրոնխային ասթմայով  հիվանդներին»:

Յուղոտ և հասունացած պանիրներ

Պանիրը պարունակում է հագեցած ճարպեր, որոնք երկար ժամանակ համարվել են վնասակար սիրտ-անոթային համակարգի համար, քանի որ դրանք բարձրացնում են խոլեստերինի մակարդակը: Բայց վերջին ուսումնասիրությունները ցույց են տվել, որ կաթնամթերքից հագեցած ճարպերը կամ չեն ազդում սրտի առողջության վրա, կամ նույնիսկ դրական են ազդում դրա աշխատանքի վրա:

«Պարմեզանի կարգի հասուն պանիրները դրական ազդեցություն են ունենում անոթային պատի վրա և նույնիսկ նպաստում են արյան ճնշման մի փոքր նվազմանը: Բայց միայն այն դեպքում, եթե օգտագործել այն օրական մինչև 40 գրամ »:

Դիետոլոգները ընդգծում են, որ պանիրը մեծ կալորիականությամբ մթերք է: Հետևաբար, առօրյա սննդակարգում դրա քանակը սահմանափակելը նախատեսված է նրանց համար, ովքեր պայքարում են ավելորդ քաշի դեմ:

Հալած պանիր

Հալած պանիրները ամենից հաճախ հանդիսանում են պանրային արտադրանք, որի բաղադրատոմսը ներառում է բուսական ճարպեր և տարբեր հավելումներ: Սննդաբանը կոչ է անում հրաժարվել նման արտադրանքներից և դրանք փոխարինել բնական պանրով:

Աղբյուր` Փաստինֆո