Փաստ ինֆո

Ֆիլիպինների նախագահ Ռոդրիգո Դուտերտեն հայտարարել է, որ պատրաստ է գլխատել թմրաբարոններին և չի վախենում այդ պատճառով բանտ գնալ: Այդ մասին հայտնում է Manila Bulletin- ը:

«Ես ատում եմ թմրանյութերը: Եթե դու խոշոր թմրաբարոն ես, անկախ նրանից՝ դու չինացի ես, ճապոնացի, թե մալայզիացի, որը տոննաներով թմրանյութ է վաճառում, ես կկտրեմ քո գլուխը», - ասել է Ֆիլիպինների առաջնորդը:

Նախագահը նշել է, որ ինքը ամենևին չի վախենում բանտում հայտնվելուց, բայց այդ դեպքում խնդրում է տարին մեկ անգամ նրան սնունդ բերել՝ Սուրբ Ծննդյան տոնին: Քաղաքական գործիչը շեշտել է նաև, որ ինքը չի պատրաստվում մահապատժի ենթարկել թմրանյութերի մանրածախ վաճառողներին և թմրանյութ ցրողներին:

2018 թվականի սեպտեմբերին Դուտերտեն «իր միակ մեղքն» է անվանել՝ թմրամիջոցների դեմ պատերազմում արտադատական կարգով սպանությունները:

Միջազգային քրեական դատարանը (ՄՔԴ) 2018 թ-ի մարտին սկսել է Դուտերտեի գործողությունների քննությունը՝ որպես Դավաոյի քաղաքապետ, այնուհետև՝ որպես նախագահ: Կառավարության պաշտոնական տվյալների համաձայն, Ֆիլիպիններում թմրանյութերի դեմ պայքարի առաջին երկու տարում սպանվել է մոտ 4,5 հազար մարդ, հիմնականում թմրանյութեր վաճառողներն ու թմրամոլները: Ըստ ՄՔԴ-ի տվյալների, առնվազն ութ հազար զոհ է գրանցվել, բայց ըստ որոշ իրավապաշտպան խմբերի, նրանց թիվը հասնում է 12 հազարի:

Աղբյուր` Փաստինֆո