Փաստ ինֆո

«Տվերյան գայլեր» խմբավորման անդամները չէին ծրագրել սպանել ռուսական շանսոնի արքա Միխայիլ Կրուգին, այլ ցանկացել են խորամանկ կոմբինացիա խաղալ, որի արդյունքուն երգիչն իրենցից «կախման մեջ» կհայտնվեր: Այս մասին հաղորդել է «Московский комсомолец»-ը՝  հղում անելով իր աղբյուրների տվյալներին:

Հանցագործներ Ալեքսանդր Ագեևին և Դմիտրի Վեսելովին ղեկավարել է Ալեքսանդր Կոստենկոն (Լոմ): Նրա գործընկեր Ալեքսանդր Օսիպովը մշակել է ծրագիր. ավազակները պետք է թալանեին Կրուգի տունը: Նրանք ենթադրում էին, որ արտիստը Լոմին կխնդրեր գտնել իրերը, և դրանից հետո ստիպված կլիներ համագործակցել խմբավորման հետ. օրինակ՝ վճարել տոկոսներ հոնորարներից:

2002 թ-ի հունիսի 30-ին Կրուգը ելույթ էր ունենում քաղաքի օրվան նվիրված միջոցառմանը և նախատեսում էր մնալ հրավառությունը դիտելու, սակայն այդ օրը ավելի շուտ է վերադարձել: Հանցագործները հույս ունեին, որ ոչ ոք տանը չի լինի: Ապա սկսվել է ծեծկռտուք, որի ընթացքում Վեսելովը ատրճանակից կրակել է երգչի վրա, և հենց որ հայտնի է դարձել գործառնության ձախողման մասին, Օսիպովը, իբր, սպանել է իր ենթակային: Այդ հանցագործության մասին նա պատմել է 2012 թ-ին, և, խոստովանելով սպանությունը, նշել է այն տեղը, որտեղ թաղել է դիակը:

Ցմահ բանտարկության մեջ գտնվող «Տվերյ գայլեր» խմբավորման մարդասպան Ագեևը խոստովանել է, որ սպանել է երգչին: Ագեևի դրանում ներգրավվածության վարկածը հայտնվել է ավելի քան տաս տարի առաջ, սակայն այն ժամանակ չի հաջողվել հաստատել դա:

Ավելի ուշ «տվերյան գայլեր» խմբավորման նախկին մարդասպան Ալեքսանդր Ագեևը, որը, ոչ պաշտոնական տեղեկությունների համաձայն, խոստովանել է երգիչ Միխայիլ Կրուգի սպանությունը, գաղութում սպանել է բանտախցի իր երկու հարևան ցմահ դատապարտյալներին: Այս մասին հայտնել է «Московский комсомолец» -ը՝ հղում անելով հետաքննության իր աղբյուրին:

Աղբյուր` Փաստինֆո