Փաստ ինֆո

Տեսչական մարմնի ղեկավար Էդգար Խուրշուդյանն այսօր չհերքեց, բայց նաեւ չհաստատեց, որ Առողջապահության նախարար Արսեն Թորոսյանը տեսչական մարմնի խորհրդի նիստի ժամանակ ասել է ‹‹քաղաքացուն պասլատ անեիր››:

«Փաստինֆո»-ի հարցին ի պատասխան Է.Խուրշուդյանն ասաց. ‹‹Ես ուրիշի փոխարեն որևէ մեկնաբանություն չեմ ուզում տալ, մենք ունենք նիստի արձանագրությունը՝ զետեղված մեր ֆեյսբուքյան էջում: Ես չեմ ասելու, թե ինչ-որ մեկն ինչ է ասել, եթե հարց ունեք ուղղելու, ես գտնում եմ՝ շատ ավելի ճիշտ և նպատակային է ուղղել այն մարդուն, ով ենթադրաբար կամ վստահաբար նման արտահայտություն արել է››:

Նա նշեց, որ կան կյանքի որոշակի սկզբունքներ, որոնք պետք է համատեղել պաշտոնի հետ:

‹‹Այստեղ հարցը նաև նրանում է, որ բացի նրանից, որ այս փոփոխություններից հետո զբաղեցնում ենք որոշակի պաշտոններ, դիրքեր, կան կյանքի որոշակի սկզբունքներ, որոնք պետք է համատեղել այս ամենի հետ: Եթե ասեմ պարեն Թորոսյանն ինչ-որ բան է ասել, կամ ինչ-որ մեկն ինչ-որ բան է ասել, դա իմ սկզբունքներին դեմ է››,-ասաց տեսչական մարմնի ղեկավարը:

Մանրամասներն՝ տեսանյութում

Հեղինակ` Սոնա Գեւորգյան