Փաստ ինֆո

Կարծում ենք՝ մինչև հոկտեմբեր կավարտենք աշխատանքները և հոկտեմբերի կգործի ավտոմաքսատունը: Այս մասին այսօր լրագրողների հետ ճեպազրույցում ասաց Պետական եկամուտների կոմիտեի նախագահ Դավիթ Անանյանը:

Հիշեցնենք, որ այսօրվա կառավարության նիստում ՊԵԿ նախագահ Դավիթ Անանյանը ներկայացրեց նախագիծ, ըստ որի՝ Գյումրիում կկառուցվի Արտաքին

Տնտեսական գործունեության սպասարկման կենտրոն, որը նաև կիրականացնի ավտոմեքենաների մաքսային ձևակերպման գործառույթն ամբողջությամբ։

«Աննախադեպ հոսքեր ենք սպասում, նույնիսկ կանխատեսելն այս պահին դժվար է, քանի որ բիզնես ակտիվությունը բավականին բարձր է»,-ասաց Անանյանը:
ՊԵԿ նախագահը տեղեկացրեց, որ մաքսատունը կլինի հյուսիսում, քանի որ մաքսակետերի կառուցվածքը ուսումնասիրելիս պարզ է դառնում, որ 90 %-ից ավելի հոսքը գալիս է 3 մաքսակետերից, որոնք գտնվում են հյուսիսում:

Անանյանի խոսքով, ակնկալվում է, որ այս տարածքը պետք է արտաքին տնտեսական գործունեության սպասարկման կենտրոն լինի:
‹‹Այն 158 կմ հեռավորության վրա է գտնվում Բագրատաշենի մաքսակետից, 115 կմ Գոգավանից և 156 կամ 58 կիլոմետր Բավրայից: Այսինքն` տարածքային առումով գտնվում է շատ ճիշտ տեղում, Հյուսիս-Հարավին մոտ է և ֆունկցիոնալ առումով գործելու է››,-նշեց Անանյանը:

Նա ընդգծեց, որ կլինի աշխատանքների կամ աշխատանքային ռեսուրսների վերաբաշխում, տեղաբաշխման տարբերություն:
‹‹Սա ժամանակավրեպ կամ հապճեպ որոշում չէ, այլ պլանավորված արտաքին տնտեսական գործունեության սպասարկման կենտրոնի մեկնարկի ազդարարումն է՝ հրատապ ռեժիմով ավտոմաքսատան գործառույթը տեղափոխելու ակնկալիքով››,-ասաց ՊԵԿ նախագահը:

Հեղինակ` Սոնա Գեւորգյան