Փաստ ինֆո

Քոչարյանը քաղաքականության մեջ է՝ անկախ նրանից բանտում է, թե ոչ։  Մտածել, որ այդպիսի մարդուն հնարավոր է ապօրինի կալանքով ստիպել հրաժարվել իր մտադրություններից ուղղակի միամտություն կլինի:

Այսօր հրավիրված ասուլիսում ասաց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը՝ պատասխանելով ‹‹Փաստինֆո››-ի հարցին,թե ինչպե՞ս է պատկերացնում Քոչարյանն իր  քաղաքական գործունեությունը կալանավայրում: Նա միաժամանակ հույս հայտնեց, որ երկրորդ նախագահը երկար չի մնա «ճաղերի հետեւում»

Նա նշեց, որ Քոչարյանի քաղաքականությամբ զբաղվելու մտադրությունները ոչ մի գրամով չեն փոխվել, ինքը զբաղվելու է քաղաքականությամբ, բայց թե ինչ չափով, ինչ ձևով՝  ինքը կորոշի և  միգուցե նաև իրավիճակը կթելադրի:

Սողոմոնյանն ընդգծեց, որ հիմա բարենպաստ իրավիճակ է  Քոչարյանի քաղաքական գործունեություն ծավալելու համար:

‹‹Այս ընթացքում համոզվեցի, որ մենք շատ լավ քաղաքական դերակատարներ ունենք, ունենք բարձր պրոֆեսիոնալներ, հասարակական, քաղաքական, պետական գործիչներ, որոնք չեն վախենում հետապնդվել իշխանությունների կողմից››,-ասաց գրասենյակի ղեկավարը:

Խոսելով Քոչարյանի բանտային պայմանների մասին՝ Սողոմոնյանն ասաց, որ նա սովորական, նորմալ պահման պայմաններում է, և ինքը պայմանների հետ կապված Քոչարյանից բողոք չի ստացել:

Աղբյուր` Փաստինֆո