Փաստ ինֆո

Ավստրիայի ոստիկանությունը հետախուզում է հայտարարել լրտեսության մեջ կասկածվող Ռուսաստանի բնակչի նկատմամբ: Այս մասին հայտնել են Ավստրիայի ներքին գործերի նախարարությունում, հաղորդում է Kurier- ը:

Ինչպես նշվել է, որոնվում է 65-ամյա Իգոր Զայցեւը, որին ավստրիական կողմը անվանում է ՌԴ զինված ուժերի գլխավոր շտաբի գլխավոր վարչության սպա: Տղամարդը «կասկածվում է Ռուսաստանի գլխավոր հետախուզության վարչության գաղտնի գործողության վարման  մեջ` ի վնաս Ավստրիայի Հանրապետությանը»,- նշել են տեսչությունում:

Քանի որ խոսքը գնում է ռազմական և պետական գաղտնիքների տարածման մասին՝ նրա ձերբակալության համար միջազգային օրդեր է հատկացվել: Նշվում է, որ ենթադրյալ լրտեսը ծնվել է Մոսկվայում:

Kurier- ը գրում է, որ գործը կապված է լրտեսական սկանդալի հետ, որի կենտրոնում հայտնվել է 70-ամյա գնդապետը՝ ծնունդով Զալցբուրգից: Ենթադրվում է, որ ռուսաստանցին եղել է ավստրիացու կուրատորը և հանդիպումներից մեկի ժամանակ փոխանցել է նրան 30 հազար եվրո:

Ավստրիայի իշխանությունները նոյեմբերի 9-ին ձերբակալել են Ռուսաստանի օգտին պետական գաղտնիքների հրապարակման մեջ կասկածվող գնդապետին: Տղամարդը, որի անունը չի տրվում՝ տվել է խոստովանական ցուցմունքներ:

Պարզվել է, որ նա աշխատել է Ավստրիայի պաշտպանության նախարարության կառուցվածքային պլանավորման բաժնում, կարող էր իմանալ տեսչությունում կարեւոր բանակցությունների բովանդակությունը, սակայն գաղտնի տվյալներին մուտքի հնարավորություն չի ունեցել: Մամուլի տվյալներով, նրան հավաքագրել են Թեհրանում՝ դեռևս 1988 թվականին:

Աղբյուր` Փաստինֆո