Փաստ ինֆո

Ռուսական էստրադայի աստղ  Լյուբով Ուսպենսկայան  պարզաբանել ե, թե ինչու է նա մասնակցել հանցավոր աշխարհի առաջնորդ Օլեգ Շիշկանովի (Շիշկան) օգտին կամակերպված ստորագրահավաքին:

Նրա խոսքերով, նա վաղուց ի վեր ճանաչում է «օրենքով գողին» և միշտ համարել է նրան բարձր բարոյական արժեքների տեր անձնավորություն: Այն փաստը, որ Շիշկանովը կապված է քրեական աշխարհի հետ, անակնկալ էր երգչուհու համար:

«Ես նրան ճանաչել եմ երկար տարիներ: Նա նրբանկատ մարդ է, ամեն տարի նա բոլոր աստղերին հրավիրել է  «Տարվա երգին», ցուցաբերել է հարգալից վերաբերմունք: Բոլոր դասընկերները աստվածացնում են նրան », - ասել է Ուսպենսկայան:

Ինչպես գրել է «Преступная Россия»-ն, հայրենական շոու-բիզնեսի ներկայացուցիչները հավաքական նամակ են գրել ի աջակցություն Շիշկանի, խնդրելով ազատել նրան կալանավայրից: Մոտ 40 հայտնի մարդ դրել է իր ստորագրությունը, այդ թվում `Ռուսաստանի ֆուտբոլի ազգային հավաքականի նախկին մարզիչ Վալերի Գազզեևը, «Локомотив»-ի մարզիչ Յուրի Սյոմինը, ժողովրդական արտիստներ Լև Լեշենկոն և Ալեքսանդր Սերովը, ինչպես նաև այլ սպորտսմեններ և մշակույթի գործիչներ:

Նամակում նրանք նշել են, որ Օլեգ Շիշկանովը բարերար էր, հովանավորել է բազմաթիվ սպորտային մրցույթներ, ինչպես նաև օգնել է Դոնբասի բնակիչներին:

Չնայած ռուսաստանյան հայտնի մարդկանց կոլեկտիվ նամակին, բողոքարկումը վերանայելուց հետո դատարանը չի ազատել Շիշկանովին տնային կալանքից: Նա մեղադրվում է ՌԴ քրեական օրենսգրքի 210.1 հոդվածով `«քրեական հիերարխիայում բարձրագույն դիրք զբաղեցնելու» համար:

Աղբյուր` Փաստինֆո