Փաստ ինֆո

Մաշկաբանները ահազանգ են հնչեցրել. նոր լողափային թրենդը արագորեն տարածվում է երիտասարդների շրջանում: Անսովոր այրվածքների տերերը իրենց լուսանկարներն են տեղադրել սոցիալական ցանցերում: «Նրանք չգիտեն, թե ինչ են անում», -ասում են բժիշկները:

Ամեն ինչ շատ պարզ է. նախքան լողափ գնալը մարմնի վրա կպչուն պիտակ են կպցնում: Արևային լոգանքից հետո պիտակը հեռացվում է, իսկ նկարը մնում է մաշկի վրա:

Այս ամռանը, այսպես կոչված, արևային դաջվածքները կրկին թրենդի մեջ են. սոցիալական ցանցերի օգտվողներն ակտիվորեն կիսվում են իրենց արտասովոր արևայրուքի լուսանկարներով:

Սակայն արևի հետ կատակները լուրջ են, հիշեցնում են մաշկաբանները: Բժիշկների կարծիքով, նման փորձարկումները կարող են կրկնապատկել մաշկի քաղցկեղի ռիսկը:

«Գոյություն չունի անվտանգ արևայրուք: Արևի ճառագայթները ներթափանցում են էպիդերմիսի ներսը և վնասում այն: Որոշակի ձևի այրվածքների հետապնդելիս՝ մարդիկ մոռանում են նախազգուշական միջոցների մասին և չեն օգտագործում արևապաշտպան միջոցներ»:

«Որպես կանոն, դրանով տարվում են երիտասարդները և նույնիսկ երեխաները: Նրանց մաշկը ամենից շատ է տուժում արևի վնասակար ազդեցությունից: Նախ և առաջ դա պայմանավորված է մաշկի ծերացումով»:

Սակայն հիմնական կողմնակի ազդեցությունը՝ մելանոմայի ռիսկն է՝ մաշկի չարորակ ուռուցքի: Մարդու օրգանիզմը ի վիճակի չէ հաղթահարել այն ինքնուրույն:

«Շատերը փորձում են հոգ տանել իրենց մաշկի համար՝ պաշտպանելով այն արևից: Սակայն կան նաև այնպիսինները, ովքեր արևի դաջվածքներ են անում: Նրանք չեն էլ մտածում հետևանքների մասին:  Ամեն անգամ, երբ մաշկը դառնում է կարմիր կամ շագանակագույն՝ դուք հայտնվում եք ռիսկի խմբում»:

Ըստ  «Melanoma Research Alliance»-ի կանխատեսման` 2019 թվականին միացյալ նահանգներում մելանոմայով  հիվանդացությունը կաճի 5% -ով՝ մինչև 96,5 հազար դեպք։

Աղբյուր` Փաստինֆո