Փաստ ինֆո

Հնդկաստանում բժիշկները ապշել են հազվագյուտ հիվանդությամբ «եռագլուխ» երեխայի լույս աշխարհ գալով: Այս մասին հայտնել է The Sun- ը:

Աղջիկը ծնվել է հուլիսի 11-ին  Ութթար-Պրադեշ նահանգում: Բժիշկները երեխայի մոտ հայտնաբերել են encephalocele (գանգոսկրի և գլխուղեղի բնածին արատ, որի ժամանակ ուղեղանյութի  մի մասը հայտնվում է գանգոսկրից դուրս): Ոսկրային հյուսվածքի արատի պատճառով, երեխային նայելիս, թվում է, թե նրա ծոծրակի մասից աճում է ևս երկու գլուխ:

Բժիշկները նշել են, որ նորածնի մոր հղիությունը անցել է առանց բարդությունների: Ներկա պահին բժիշկները պարզում են, թե ինչն է դարձել այս անոմալիայի պատճառը նորածնի մոտ: «Սա չափազանց հազվադեպ հիվանդություն է», - ասել է վերահսկող կազմակերպության ներկայացուցիչ Ռաջեշ Թաքուրը (Rajesh Thakur):

«Երեխայի մարմինը լիովին զարգացած չէ: Մենք կկատարենք ՄՌՏ, ինչից հետո կանցկացնենք վիրահատություն և կհեռացնենք «գլուխները»:

Աղբյուր` Փաստինֆո