Փաստ ինֆո

«Երևանի ընդհանուր իրավասության դատավոր Դավիթ Գրիգորյանի հետ հանդիպման ժամանակ քննարկեցինք նրա բոլոր մտահոգությունները, տվեցինք մեզ հուզող բոլոր հարցերը»,-այս մասին լրագրողների հետ զրույցում ասաց ԲԴԽ անդամ Գրիգոր Բեքմեզյանը. «Կդիմենք հսկողություն իրականացնող դատախազին՝ ստանալու մի քանի պարզաբանումներ, որի արդյունքում կձևավորվի մեր վերջնական դիրքորոշումը և կկատարենք մեր հայտարարությունը», - ասաց Բեքմեզյանը։

Վերջինս հավելեց, որ Դավիթ Գրիգորյանը կասկածներ է հայտնել, որ իր աշխատասենյակի խուզարկությունը կարող է կապ ունենալ Ռոբերտ Քոչարյանի գործի հետ. «Մենք կխոսենք, կպարզաբանենք եւ վերջնական դիրքորոշում կհայտնենք, ամեն դեպքում, մեզ հուզող բոլոր հարցերը պարզաբանել ենք, այսինքն իր հետ կապված հնարավոր բոլոր հարցերը մեզ համար պարզ են»։

«Փաստինֆո»-ի այն հարցին, թե մոտավորապես ե՞րբ Բարձրագույն դատական խորհուրդը  պաշտոնական դիրքորոշում կհայտնի դատավորի աշխատասենյակի խուզարկության վերաբերյալ, Գրիգոր Բեքմեզյանը նշեց, որ հավանաբար մյուս շաբաթվա ընթացքում։

Բեքմեզյանը հայտնեց, որ գործը գտնվում է ԲԴԽ հսկողության ներքո, իրենք հետեւում են գործին, եւ դատավորի հետ պայմանավորվել են, որ ցանկացած դեպքում արագ կարձագանքեն՝ խոչընդոտները վերացնելու համար։

Մանրամասները՝ «Փաստինֆո»-ի տեսանյութում

Հեղինակ` Միլենա Խաչիկյան