Փաստ ինֆո

Չեխ փորձագետների շնորհիվ թունավոր քիմիական նյութերի վերաբերյալ հետազոտությունները կհստակեցնեն Հայաստանի հյուսիսում աղտոտվածության մասին տարաձայնությունները։

 «Համայնքային Համախմբման և Աջակցության Կենտրոն» ՀԿ-ի և «ԷլոԼուր» տեղեկատվական ՀԿ-ի հետ համագործակցության շրջանակներում 2019թ-ի հուլիսին չեխական «Արնիկա» ՀԿ-ի կողմից  Լոռու մարզի Ալավերդի քաղաքում և հարակից շրջաններում կիրականացնի շրջակա միջավայրում  վնասակար քիմիական նյութերի առկայության վերլուծություն:

Ինչպես պարզ է դարձել նախկինում իրականացված հետազոտությունների արդյունքում,  տեղացիները տուժում  են ծանր մետաղներից եւ այլ նյութերից ,  շրջակա միջավայրի աղտոտվածությունից` որը առաջանում են տեղական հանքարդյունաբերության արդյունքում :

Լոռու մարզի գյուղացիները ձգտում են ոչ տոքսիկ միջավայրի:

Ստեղծված իրավիճակը  Ալավերդիում,   Ախթալայում  և Թեղուտում   պղնձի եւ մոլիբդենի հանքաարդյունաբերման և վերամշակման հետեւանք է:

2018 թվականին  Պրահայի Քիմիայի եւ Տեխնոլոգիաների համալսարանի գիտնականները հավկիթի , հողի, Դեբեդ գետի նստվածքների նմուշառումներ կատարեցին:

Արդյունաբերական վայրերից անմիջապես վերցված նմուշները ցույց տվեցին պղնձի մակարդակի արագ աճ, ինչը վկայում է ծանր մետաղներով աղտոտման մասին`որպես հանքարդյունաբերության եւ մետաղագործության ուղղակի ազդեցություն շրջակա միջավայրի վրա:

Փետրվարին Ստրասբուրգում Մարդու իրավունքների Եվրոպական դատարանը որոշում կայացրեց Լոռու մարզի վեց ֆերմերների օգտին: Հայաստանի դատարանների կողմից տարածաշրջանում հանքարդյունաբերության գույքային իրավունքների խախտման համար կառավարությունը տուգանվեց 70 հազար եվրոյով :

«Հետագա նմուշառումները շատ անհրաժեշտ են, քանի որ առայժմ այս հարցում արդյունավետ միջոցներ չեն ձեռնարկվել: Պատասխանատու մարմինների վրա ազդելու միակ միջոցը վտանգավոր աղտոտման գիտական ապացույցների ներկայացումն է  , ինչը  հետզհետե կբարելավի տեղացի բնակիչների  կենսապայմանները», -նշում է  Համայնքային Համախմբման եւ Աջակցության Կենտրոնի նախագահ Օլեգ Դուլգարյանը:

«Արնիկա» ՀԿ-ի  մասնագետները կհանդիպեն տեղի բնակիչների հետ՝ քննարկելու  աղտոտման բացասական ազդեցությունը առողջության վրա նվազագույնի հասցնելու ուղղությամբ  հետագա հնարավոր քայլերը:

«Հուլիսի 19-26-ը մենք այցելելու ենք հիմնական աղտոտվածության  կետեր,  կխոսենք  տեղական ինքնակառավարման մարմինների ներկայացուցիչների , ֆերմերների եւ լրագրողների հետ` փորձելով գտնել այս անհանգստացնող իրավիճակի հնարավոր լուծումները»,- նշում է  «Արնիկա»-ի աշխատակից Միրոսլավա Յոպկովան:

 Հետազոտողները, ինչպես նաեւ չեխական «Արնիկա» հասարակական կազմակերպությունը եւ տեղական շահագրգիռ  կողմերը, կհրապարակեն հետազոտությունների արդյունքները 2019 թվականի վերջին:

 «Բացի այդ,մենք կպատրաստենք տեղացիներին, թե ինչպես օգտագործել մեր տվյալները եւ ապահովել առողջ կյանք», - ասում է «Արնիկա»-ի նախագահ Մարտին Սկալսկին:

Աղբյուր` Փաստինֆո