Փաստ ինֆո

«Եթե մարդ ուզում է բնականոն ջուր ստանա, ուրեմն պարտավոր է պայմանագիր կնքել և ամեն տարի թարմացնել հավելվածը» այս մասին լրագրողների հետ զրույցում ասաց ջրօգտագործողների ընկերությունների աջակցող խմբի համակարգող Կարեն Դադոյանը, ով կառավարության շենք էր եկել՝ հանդիպելու Քաղցրաշենի բնակիչներին։

Կարեն Դադոյանի խոսքով ջրօգտագործողն ամեն տարի պետք է ներկայացնի, թե ինչ է մշակելու և որքան ջուր է նրան անհրաժեշտ, սակայն 120 հա-ի ընդամենը 35 հա հավելվածներն են թարմացվել. «Ջրօգտագործողը կարող է այս տարի որոշի ուրիշ մշակաբույս մշակել, դրա համար պարտավոր է թարմացնել հավելվածը, որպեսզի ընդհանուր համակարգի ծրագրում ընդգրկվի նաև նրանց ջրի ծավալը», - ընդգծեց Կարեն Դադոյանը։

Հիշեցնենք, որ Արարատի մարզի Քաղցրաշեն համայնքի բնակիչները կառավարության շենքի մոտ բողոքի ակցիա էին իրականացնում։ Պատճառը մի քանի ոռոգման ջուր չունենալն է։

Քացրաշենցիներին մոտեցավ Ջրային կոմիտեի նախագահի տեղակալ Հարություն Գուլյան և ասաց, որ վերջիններս վճարումներ չեն կատարում։ Ցուցարարները հակադրվեցին՝ պնդելով, որ կատարել են բոլոր վճարումները։ Հարություն Գուլյանը նաև հավելեց, որ այս պահին պոմպը մղում է 160 լիտր ջուր։

Ի վերջո Քաղցրաշենի բնակիչները Հարություն Գուլյանին առաջարկեցին միասին գնալ գյուղ և պարզել, թե որքան ջուր է բաց թողնվում պոմպից։

Աղբյուր` Փաստինֆո