Փաստ ինֆո

Թուրքիան հնարավոր է դուրս գա ՆԱՏՕ-ից S-400 զենիթահրթիռային համակարգերի հետ կապված իրավիճակի պատճառով, ինչը մեծ հաղթանակ է Ռուսաստանի նախագահ Վլադիմիր Պուտինի համար, գրում է գերմանական Focus Online ամսագիրը:

Փորձագետ Թոմաս Եգերի կարծիքով, Վաշինգտոնը ստիպված կլինի պատժամիջոցներ կիրառել Թուրքիայի դեմ` Մոսկվայի հետ գործարքի պատճառով: Անկարան, իր հերթին, կարող է արձագանքել ռազմաքաղաքական դաշինքից դուրս գալով, կարծում է նա:

«Ալյանսի համար դա հսկայական աշխարհագրաքաղաքական կորուստ կլինի», - գրում է Եգերը:

Պրոֆեսորը պարզաբանում է, որ այս կոնֆլիկտի արդյունքը կախված կլինի այն բանից, թե Թուրքիայի նախագահ Ռեջեփ Թայիփ Էրդողանը ում մեջ կտեսնի իր քաղաքական ապագայի երաշխիքը: Այնուամենայնիվ, եթե նույնիսկ Անկարան հրաժարվի արմատական որոշումներ կայացնելուց՝ «ՆԱՏՕ-ում սեպն արդեն խփված է», - ընդգծել է նա:

Թուրքիայի հետ գործարքի շնորհիվ, Ռուսաստանի հեղինակությունն աշխարհում կշարունակի արագորեն կշիռ հավաքել, ռուսական զինվորականները գաղտնի տվյալներ մուտք գործելու հնարավորություն կունենան, եզրափակել է Եգերը:

Թուրքիա S-400- ի մատակարարումները սկսվել են հուլիսի 12-ին: Լրատվամիջոցները հաղորդել են, որ ԱՄՆ-ն արդեն կողմնորոշվել է Անկարայի նկատմամբ մի շարք սահմանափակող միջոցառումների իրականացման հարցում: Դրանք կարող են իրականացվել հաջորդ շաբաթվա վերջում` հուլիսի 19-ին:

Ամերիկյան կողմը բազմիցս կոչ է արել թուրքական իշխանություններին հրաժարվել Ռուսաստանի հետ համաձայնագրից, որը ձեռք է բերվել 2017 թ-ի սեպտեմբերին: Վաշինգտոնն անհանգստացած է իր F-35 կործանիչների ճակատագրով, մասնավորապես, որ դրանք տեսանելի կդառնան ռուսական համակարգերի համար:

Աղբյուր` Փաստինֆո