Փաստ ինֆո

‹‹Բարգավաճ Հայաստան›› խմբակցության պատգամավոր Նաիրա Զոհրաբյանին անհասկանալի է ԼԳԲՏ համայնքի կողմից իրեն թիրախավորումը:

«Ինձանից կարծիք են հարցրել Ստամբուլյան կոնվենցիայի մասին, ես էլ ընդամենն ասել եմ, որ այս պահին ես իմ գնահատականը չեմ հնչեցնի, այն դեռ պետք է գնա Սահմանադրական դատարան, երբ ՍԴ-ն իր եզրակացությունը կտա, այդ ժամանակ էլ ես որպես պատգամավոր իմ տեսակետը կներկայացնեմ››,-‹‹Փաստինֆո››-ի հետ զրույցում ասաց ԲՀԿ պատգամավորը:

Զոհրաբյանը նշեց, որ երբ իրեն ասել են՝ տրանսգենդերներ և ԼԳԲՏ համայնքի կողմից իր մանդատը վայր դնելու պահանջի մասին, ինքն ասել է՝ իրենք չեն, որ իրեն գործուղել և վստահության քվե են տվել խորհրդարանում լինելու համար և իրենք չեն, որ մանդատից հրաժարում պետք է պահանջեն:

Զոհրաբյանի խոսքով, այս հայտարարություններից հետո ԼԳԲՏ համայնքը թիրախավորել է իրեն վառելու, վտարելու և մորթելու կոչեր է արել:

‹‹Ես հույս ունեմ, որ մեր խրոխտ ու հերոսական ոստիկանությունն այդ հայտարարություններով, անպայման, կզբաղվի: Հայաստանում բոլորի իրավունքները պետք է լինեն պաշտպանված, բայց չպետք է լինի որևէ խավ, որը կարծում է՝ իր իրավունքներն ավելի դոմինանտ են և իր իրավունքներն ավելի պաշտպանված պիտի լինեն, իրենք մեր երկրում շատ ավելի լավ իրավունքներ պիտի ունենան, քան մնացած բոլոր քաղաքացիները››,-ասաց Զոհրաբյանը մեջբերելով հայտնի խոսքերը՝ ‹‹Իմ ազատությունը վերջանում է այնտեղ, որտեղ սկսվում է քո ազատությունը››, ապա ավելացրեց, որ այս բանաձևը յուրաքանչյուրի համար պետք է ապրելու սկզբունք լինի:

Հեղինակ` Սոնա Գեւորգյան