Փաստ ինֆո

«Եթե Լեհաստանը վերցնենք որպես ցուցանիշ Եվրոպական երկրներում, ապա իրավիճակը ցույց է տալիս, որ մենք ոչ միայն ունենք մեծ աշխատանքի դաշտ Եվրոպայում, այլև պարտավոր ենք ներկա լինել ամեն տեղ, որովհետև ամեն վայրկյան հայ ազգի թշնամիները աշխատում են Եվրոպական բոլոր կենտրոններում»,-ասաց «Բարգավաճ Հայաստան» խմբակցության պատգամավոր Արման Աբովյանը՝ ամփոփելով ԱԺ արտաքին հարցերի հանձնաժողովի Լեհաստան կատարած այցը:

Խոսելով հանդիպման դրական կողմերի մասին՝ Աբովյանն ասաց, որ Լեհական կողմը պատրաստ է լսել, ընկալել և անել հետևություններ:
«Լսելը և ընկալելը ոչ միայն խորհրդարանական դիվանագիտության շրջանակներում է, համաձայն եմ, որ շատ կարևորագույն բաղադրիչ է, այլև ՀՀ-ի բոլոր գերատեսչությունների միասնական աշխատանքն է»,-ասաց ԲՀԿ պատգամավորը:

Նրա խոսքով, լեհական կողմը շատ զարմացած էր, որ իրենք փող չէին ուզում:

«Պատվիրակության բոլոր անդամները բոլոր խոսակցությունների սկզբից ասում էին՝ պետք է հասկանալ հստակ, կոնկրետ ինչ քայլեր ենք ձեռնարկում, օրինակ` որոշակի հարցերը լուծելու համար»,-ասաց Աբովյանը:

Աղբյուր` Փաստինֆո