Փաստ ինֆո

Ֆրանսիայում դատախազը վեց ամսվա պայմանական ազատազրկում է պահանջել Սաուդյան Արաբիայի թագավորի դուստր Սալման իբն Աբդուլ-Ազիզի և Սաուդյան Արաբիայի թագաժառանգ Մուհամեդ բին Սալմանի քրոջ՝ արքայադուստր Հասա Բինթ Սալմանի, նկատմամբ:

Աղջիկը մեղադրվում է սաուդյան արքայազնի քրոջ շքեղ փարիզյան բնակարանում վերանորոգման աշխատանքների համար վարձած աշխատողին ծաղրելու մեջ:

Արքայադուստրը մեղադրվում է աշխատողի հանդեպ կատարված բռնությանը մասնակից լինելու  մեջ. տղամարդը ծեծի և նվաստացումների է ենթարկվել թիկնապահի կողմից, երբ փորձել է լուսանկարել սենյակը: Միջադեպը տեղի է ունեցել 2016 թվականին:

Աշխատողը պնդում էր, որ ցանկացել է լուսանկարել այն սենյակը, որն ինքը  պետք է վերանորոգեր, սակայն սաուդյան արքայական դինաստիայի ներկայացուցիչը համարել է, որ նա պատրաստվում է նկարները վաճառել մամուլին:

Աղջիկը հանձնարարել է անվտանգության աշխատակցին պարզաբանել, և նա ծեծել է աշխատողին, կապել նրան և ստիպել համբուրել արքայադստեր ոտքերը:

Բացի այդ, տուժողն ասել է, որ նրանք խլել են տեսախցիկը և մի քանի ժամ պահել նրան բնակարանում, իսկ արքայադուստրը, իբրև, ասել է, որ տղան պետք է սպանվի:

Թիկնապահը մեղադրվում էր զինված հարձակման, ապօրինի ազատազրկման, կողոպուտի և մահվան սպառնալիքի մեջ:

Արքայադստեր և նրա թիկնապահի պաշտպանությունը, սակայն, նշում է, որ աշխատողի ցուցմունքների մեջ որոշ հակասություններ կան, իսկ անվտանգության աշխատակիցը հակընդդեմ հայց է ներկայացրել զրպարտության համար, այս մասին հաղորդել է CBSNews- ը:

Բացի այդ, մեղադրվողների փաստաբանը դատարանում նշել է, որ սաուդյան օրենքները՝ անվտանգության նկատառումներից ելնելով, արգելում են արքայադստեր որևէ պատկերում:

Այնուամենայնիվ, Ֆրանսիան դեռևս 2018 թ-ի մարտին աղջկա ձերբակալության մասին հրամանագիր ե տվել:  Սակայն արքայադստեր գտնվելու վայրը չի հաստատվել. ըստ երևույթին, նա վերադարձել է Սաուդյան Արաբիա:

Աղբյուր` Փաստինֆո