Փաստ ինֆո

ԱԺ ‹‹Բարգավաճ Հայաստան›› խմբակցության ղեկավար Գագիկ Ծառուկյանը լրագրողների հետ ճեպազրույցում հայտարարեց, որ խմբակցությունը ոչ մի խնդիր չունի ԲՀԿ պատգամավոր Տիգրան Ուրիխանյանի հետ, որը ավելի վաղ մանդատը վայր դնելու ցանկություն էր հայտնել:

Անդրադառնալով հարցին, պատրաստվու՞մ է լրագրողական մի շարք կազմակերպությունների պահանջով ներողություն խնդրել երկու լրատվամիջոցների լրագրողներից նրանց վիրավորելու համար, Ծառուկյանը նախ ծիծաղեց, ապա ասաց. ‹‹Դուք հասկանու՞մ եք՝ ինչ հարց եք տալիս: Իրենք թող պահանջեն իրենց լրագրողներից, իրենց պահվածքը Ծառուկյանի հանդեպ: Կարող եք բոլոր տեսաժապավենները նայել, Ծառուկյանը, բացի ջերմ, քաղցր վերաբերմունքից այլ բան ցույց չի տվել, բայց եթե լրագրողները թույլ են տալիս այնպիսի բաներ, որ սազական չէ, Ծառուկյանը երբեք վիրավորական բան թույլ չի տվել››,-ասաց ԲՀԿ ղեկավարը:

Դիտարկմանը, որ լրագրողի կողմից ոչ մի վիրավորական բան չի ասվել, ընդամենը հարց է հնչել, Ծառուկյանը պատասխանեց ‹‹Ժողովուրդն էլ դա զգում է, որ դուք ոչ թե հարց եք տալիս, այլ Ծառուկյանին ուզում եք հունից հանել, ես ձեր բոլորի ցավը տանեմ, եթե դուք ինձ հարց տաք լիարժեք, ես ձեր հարցին պատասխանեմ, ես ոչ մեկիդ չեմ ցանկանում վիրավորել››, -ասաց Ծառուկյանն ու ավելացրեց, թե մեկ տարվա ընթացքում, ինչ գալիս է, լրագրողներն անգիր արած 3 հարց են ունեն ու միշտ այդ հարցերն են տալիս:

‹‹Մարդ կարող է հունից դուրս գա, բայց ճարահատված հունից էլ դուրս չեմ գալիս, հետո նայում եմ՝ ոնց եմ կարողանում ինձ զսպել››,-ասաց ԲՀԿ ղեկավար Գագիկ Ծառուկյանը:

Մանրամասները՝ տեսանյութում

Աղբյուր` Փաստինֆո