Փաստ ինֆո

Հայտնի գործարար Վլադիմիր Մարուգովի որդին` Ալեքսանդրը, նախօրեին Մոսկվայում տաքսու հետ բախվելու հետևանքով ստացված վնասվածքներից մահացել է: Այս մասին հաղորդում է ՏԱՍՍ- ը:

Մարուգով-ավագին  անվանում են «մսի թագավոր».  նա հայտնի է որպես մի քանի երշիկեղենի գործարանների սեփականատեր:
 

Ավելի վաղ հաղորդվել է, որ Ֆրունզե առափնյա փողոցի թիվ 46 տան շրջակայքում բախվել են մոտոցիկլը և «Hyundai» մակնիշի ավտոմեքենան, ինչի հետևանքով երկու մարդ տուժել է: Արտակարգ իրավիճակների ծառայության տվյալներով, բախման արդյունքում մեքենան և մոտոցիկլը բռնկվել են:
 

Նախորդ տարվա սեպտեմբերին Վլադիմիր Մարուգովի նախկին կինը և որդին՝ Ալեքսանդրը, հյուրընկալել են Անդրեյ Մալախովի «ուղիղ եթեր» հաղորդմանը: Տատյանա Մարուգովան պնդում էր, որ նախկին ամուսինը փորձում է զրկել իրեն ունեցվածքից և սպառնում է իրեն և իր որդուն: Ամուսինները ապրել են համատեղ գրեթե 20 տարի: Ամուսնալուծությունը տեղի է ունեցել այն ժամանակ, երբ Վլադիմիրի կյանքում կին է հայտնվել: Տատյանան ստացել է առատ փոխհատուցում և խոստում, որ կյանքում ոչինչ չի փոխվի: Սակայն շուտով նոր ընկերուհին օլիգարխի համար երեխա է ունեցել:
 

Դրանից հետո հին ընտանիքի հասցեին սպառնալիքներ են թափվել, սկսվել է ունեցվածքի նոր վերաբաշխում: Տատյանայի խոսքերով, նախկին ամուսինը զերծ չի մնացել շանտաժից, խաբեությունից և կաշառելուց: Փոխվել էր նաև որդու հանդեպ վերաբերմունքը: Ինչպես ասել է Ալեքսանդր Մարուգովը, ամուսնալուծությունից հետո հայրը կարծես թե ուրիշ մարդ էր դարձել: Երկար բաժանումից հետո հայրը նույնիսկ հայտարարել է Ալեքսանդրին. «Դու իմ որդին չես»:

Աղբյուր` Փաստինֆո