Փաստ ինֆո

ՀՀԿ փոխնախագահ Արմեն Աշոտյանը ֆեյսբուքյան ուղիղ եթերում խոսել է Լյուքսեմբուրգում ԵԱՀԿ խորհրդարանական վեհաժողովի նիստի մասին  և նշել՝ ուրախ է, որ հայկական պատվիրակությունը կարողացել է խնդիրներ հարթել Լյուքսեմբուրգում:

‹‹Չնայած բանաձևերը վերջնական տեսքով վեհաժողովի կողմից ընդունված չեն, բայց ըստ պատվիրակության կարող ենք ասել, որ հիմնական վտանգները չեզոքացված են››,-ասել է Աշոտյանը:

Նա նշել է, որ իշխանությունների քարոզչամեքենայի  այդ աշխանատանքն աննախադեպ է համարում, սակայն ինքը պնդում է, որ առնվազն դա առնվազն ազնիվ չէ, քանի որ Հալաբյանի միացյալ ջանքերով չեզոքացվել են այն վտանգները, որոնք կարող էին չլինել այդ բանաձևերի մեջ:

‹‹Շատ ավելի ուժեղ բանաձևեր ընդունվել են խորհրդարանական դիվանագիտության պատմության  մեջ մինչև Հայաստանում տեղի ունեցած իշխանափոխությունը, և որևէ մեկի մտքով չէր անցնում այդ ամենը փաթեթավորել ճռճռան թղթերի մեջ և մատուցել ժողովրդին՝ որպես աննախադեպ հաջողություն››,-ընդգծել է ՀՀԿ փոխնախագահը:

Նա նաև բարոյական չի համար ակնարկները, որոնց համաձայն իշխանականները հերոսաբար պայքարել են նախորդ իշխանությունների կողմից բացթողումներով կատարված աշխատանքների արդյունքում  ձևավորված խնդիրների դեմ:

‹‹Նախորդ խորհրդարանը այս խորհրդարանին թողել է խորհրդարանական դիվանագիտության աննախադեպ ձեռքբերումներ և կատարված մեծ աշխատանք››,-ասել է Աշոտյանն ու կոչ արել իշխանություններին իրենց անհաջողությունները չփնտրել նախորդների կատարած աշխատանքների մեջ:

Մանրամասները՝ տեսանյութում:

Աղբյուր` Փաստինֆո