Փաստ ինֆո

Հայաստանի Հանրապետությունում 2019թ.-ի հունիսին նախորդ տարվա հունիսի համեմատ արձանագրվել է 2.5 % գնաճ։ Այս մասին «Փաստինֆո»-ն տեղեկանում է Ազգային վիճակագրական կոմիտեի հրապարակումից։ Սպառողական շուկայում 2019թ.-ի հունիսին մայիսի նկատմամբ արձանագրվել է 1.9 % գնանկում։

Սննդամթերքի և ոչ ալկոհոլային խմիչքի գնաճը նախորդ տարվա հունիսի նկատմամբ կազմել է 4.6 %։ Բանջարեղենի գինը նախորդ տարվա նույն ժամանակահատվածի համեմատ աճել է 19.1 %-ով, իսկ մայիս ամսվա համեմատ նվազել 28.2 %-ով։ Մայրաքաղաքում բանջարեղենի գները մայիսի համեմատ նվազել են 27 %-ով։

Հունիսին բարձրացել են առաջին անհրաժեշտության մի շարք  ապրանքների գները, այդ թվում ձվինը՝ 37.6 %-ով, մրգինը՝ 8.6 %-ով, մսամթերքինը՝ 3.1 %-ով, կարտոֆիլինը՝ 74.8%-ով, լոլիկինը՝ 40.1 %-ով, վարունգինը՝ 25.3 %-ով։ Իսկ շաքարի գինը նվազել է 8.4 %-ով։

Յուղերի և ճարպերի, սուրճի, թեյի ապրանքախմբում 2019թ. հունիսին մայիսի համեմատ գրանցվել է 0.6 % գնանկում։ Մայիսի համեմատ նվազել են նաև ալկոհոլային խմիչքների՝ 0.4%, հացաբուլկեղենի և ձավարեղենի՝ 0.2 %, ձկան և ծովամթերքի՝ 0.1 % գները։

Աղբյուր` Փաստինֆո