Փաստ ինֆո

Ներքին գործերի նախարար Երլան Թուրգումբաևը հայտնել է երկրում հայկական, ղրղզական և ռուսական համարներով մեքենաների ժամանակավոր գրանցման հարց մտցնելու ծրագրի մասին, հաղորդում է Tengrinews.kz- ը:

«Հայաստանում, Ղրղզստանում և Ռուսաստանում գրանցված ավտոմեքենաների կողմից ճանապարհային երթևեկության կանոնների խախտման վերաբերյալ առկա են մազմաթիվ բողոքներ», - ասել Երլան Թուրգումբաևը:

Նրա խոսքերով, հարևան երկրներից ավտոմեքենաների սեփականատերերի նկատմամբ ձեռնարկել որևէ միջոց հնարավոր չէ, քանի որ Ղազախստանում տրանսպորտը գրանցված չէ:

«Նրանք զբաղվում են ձեռնարկատիրական գործունեությամբ` փոխադրում են ուղևորներ: Մենք առաջարկում ենք մեր հանրապետություն 10 օրից ավել շահագործման համար մուտք գործած այդպիսի մեքենաների համար մտցնել սահմանափակումներ և պարտադիր ժամանակավոր գրանցում: Եթե այն տրանզիտային է, ապա կարող է 10 օրվա ընթացքում անցնել երկրի տարածքը: 10 օր հետո տրանսպորտը ենթակա է ժամանակավոր գրանցման:  Ինչպես նաև արգելել Ղազախստանի քաղաքացիներին այդպիսի տրանսպորտային միջոցների օգտագործումը՝ ուղևորների, ուղեբեռների և բեռների փոխադրման ծառայություններ մատուցելիս », - ասել է նախարարը:

Վարչական ոստիկանության կոմիտեում հաղորդել են, որ ներկայումս Ղազախստանում երկարատև գտնվող Եվրասիական տնտեսական միության անդամ պետություններում գրանցված տրանսպորտային միջոցների պարտադիր ժամանակավոր գրանցման հարցը  քննարկվում է բոլոր պետական կառավարման մարմինների և հասարակական միավորումների հետ: Ընդ որում,  դրա իրականացման համար անհրաժեշտ է լրացումներ և փոփոխություններ կատարել «Ճանապարհային երթևեկության» մասին օրենքում: Դրական որոշման դեպքում այս հարցը կներկայացվի քննարկման Ղազախստանի Հանրապետության խորհրդարան՝ ներկայիս կամ նախատեսվող օրենսդրական գործունեության շրջանակներում:

Ավելի վաղ հաղորդվել է, որ ղազախստանցիներին կպարտադրեն գրանցել արտասահմանյան համարանիշներով ավտոմեքենաները:

Աղբյուր` Փաստինֆո