Փաստ ինֆո

Վերաքննիչ քրեական դատարանի՝ դատավոր Արմեն Դանիելյանի նախագահությամբ որոշումները կայացվել են դատավարական իրավունքի եւ նորմերի կոպիտ խախտումներով, հայտարարել է ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանը՝ անդրադառնալով Ռ.Քոչարյանի խափանման միջոցը փոխելու եւ նրան կալանավորելու, ՍԴ դիմելու ու վարույթը կասեցնելու մասին որոշումները վերացնելու վերաքննիչ դատարանի որոշումներին։ Ավելին՝ ըստ նրա դատարանը շարունակում է իր կամայական մեկնաբանություններով վնասել, խոչընդոտել դատավարությանը։

Փաստաբանի փոխանցմամբ՝ վերաքննիչ քրեական դատարանի հունիսի 25-ին կայացված ակտով, որն ուժի մեջ է մտնում հրապարակման պահից, վերաքննիչ քրեական դատարանն արձանագրել է, որ կասեցման որոշումը վերացվում է եւ գործը վերսկսվում է նույն դատարանում՝ ընդհատման պահից։ Այսինքն՝ ներկայում առաջին ատյանի դատարանում դատավարությունը պետք է շարունակվի, սակայն խնդիրն այն է, որ վերաքննիչ դատարանն իր այդ որոշումից հետո գործի նյութերը չի վերադարձնում առաջին ատյանի դատարան, որպեսզի դատավարությունն սկսվի։

Քոչարյանի պաշտպանները ՄԻԵԴ բողոք ներկայացնելու անհրաժեշտություն են տեսնում, պարզապես հիմա քննարկում են նոր բողոք ներկայացնեն, թե հավելյալ ինֆորմացիա ուղարկեն:

‹‹Յուրաքանչյուր հետագա խնդիրը, որն առաջնում է, եթե տեղավորվում է նախորդ բողոքի տրամաբանության մեջ ՝ ի լրումն է ուղարկվում, եթե ոչ , այսինքն նոր խախտում ենք տեսնում, նոր բողոքի ենք ներկայացնում››,-ասաց Օրբելյանը:

Փաստաբանն ասաց, որ այն բոլոր խախտումները որ եղել են տեղավորվում են ‹‹Մարդու իրավունքների և հիմնարար ազատությունների պաշտպանության մասին›› կոնվենցիայի 5-րդ և 6-րդ հոդվածներում:
‹‹Հատկապես 6-րդի՝ արդար դատաքննության իրավունքի, բայց կա ՄԻԵԴ-ի դատական պրակտիկա, որն ասում է, որ 5-րդ հոդվածով նախատեսված ազատության իրավունքով նախատեսված իրավունքի էլեմենտ է կազմում նաև ազատազրկման ժամանակ արդար դատաքննության նվազագուն կամ որոշակի սահմանված երաշխիքների պաշտպանումը››,-ասաց Օրբելյանը:
Նա նշեց, որ Հայաստանի պատմության մեջ գրանցվել է աննախադեպ իրավիճակ, երբ պաշտպանական կողմին զրկել են ելույթ ունենալու իրավունքից:

Աղբյուր` Փաստինֆո