Փաստ ինֆո

ԱՄՆ-ի Կալիֆորնիայի նահանգի սոցիոլոգները պարզել են, որ ոչ թե ռոմանտիկ զգացմունքները, այլ անվճար ճաշը կամ ընթրիքն են յուրաքանչյուր երրորդ աղջկա համար ժամադրության  գնալու պատճառ հանդիսանում: Նրանք իրենց հետազոտությունները հրապարակել են «սոցիալական հոգեբանություն և անձի գիտություն» ամսագրում:

Սոցիոլոգները հիմնվում են տարբեր ոլորտներում հետազոտությունների վրա: Այլ պրիմատների մոտ, օրինակ, շիմպանզեների, էգերը հաճախ արուներին մոտ են գնում կամ նույնիսկ մշտական հարաբերություններ են հաստատում մսի կամ այլ բարձրորակ սննդի դիմաց: Սոցիոլոգ Բրայան Կոլլիսսոնը որոշել է ստուգել, թե արդյոք այդպես է մարդկանց մոտ, երբ թերթում հոդված է կարդացել այն մասին, որ աղջիկները համաձայնում են տղամարդկանց հետ հանդիպել թանկ ռեստորանում ընթրիքի համար:
 

«Մենք հետաքրքրվեցինք այդ խնդրով այն բանից հետո, երբ կարդացինք դրա մասին նորությունների մեջ: Հետաքրքիր է, որ հաճախ հենց էդպես են իրենց պահել աղջիկները, որոնք տառապել են նարցիսիզմով, մակիավելիզմով և հոգեկան հիվանդությունով, ինչպես նաև հավատարիմ են ավանդական պատկերացումներին տղամարդկանց և կանանց դերերի մասին», - պատմել է սոցիոլոգ Բրայան Կոլիսոնը:
 

Գիտնականը գործընկերների հետ հավաքագրել են սոցիալական ցանցերով հետաքրքրված ութ հարյուր կամավոր աղջիկների: Յուրաքանչյուրի համար կազմել են հոգեբանական նկարագիր և անցկացրել հարցում նման ժամադրությունների հանդեպ վերաբերմունքի վերաբերյալ:
Հարցմանը մասնակցած յուրաքանչյուր չորրորդ աղջիկ  առնվազն մեկ անգամ վարվել է այդպես

Գիտնականները պարզել են, որ նման հանդիպումների սիրահար աղջիկները կարողանում են լավ մանիպուլյացիայի ենթարկել շրջապատող մարդկանց վարքագծերը և նրանց համար գրեթե միևնույն են այլ մարդկանց մտքերն ու զգացմունքները:

Սոցիոլոգները ավելացնում են, որ տղամարդկանց վարքը դեռևս չեն գնահատել: Շուտով գիտնականները պատրաստվում են հասնել նաև նրանց:

Աղբյուր` Փաստինֆո