Փաստ ինֆո

Երեւանում մուրացկանին օգնելու մեջ կնոջ նկատմամբ ավազակային հարձակում գործելու մեջ մեղադրվող վրացահայերը չեն ընդունում առաջադրված մեղադրանքը:

Երևան քաղաքի ընդհանուր իրավասության դատարանում`  դատավոր Հարություն Մանուկյանի նախագահությամբ, սկսվել է քրեական գործով դատաքննությունը: Մեղադրյալները երկուսն են` Ե.Ծառուկյանն ու Թ.Պապոյանը, որոնք ազգությամբ հայ են, Վրաստանի քաղաքացի, իսկ մեղադրանքը դատարանում պաշտպանու են Էրեբունի և Նուբարաշեն վարչական շրջաններիդատախազության տարածքային բաժնի դատախազներԱրման Մուրադյանը և Գևորգ Ամիրխանյանը:

Հունիսի 28-ին տեղի ունեցած դատական նիստում, հրապարակվեց մեղադրական եզրակացությունը, սակայն ամբաստանյալները հայտարարեցին, որ իրենց մեղավոր չեն ճանաչում, սակայն դեպքի վերաբերյալ ցուցմունք նրանք կտան ապացույցների հետազոտման վերջին փուլում:
Դատարանի  սահմանած ապացույցների հետազոտման  հաջորդականության համաձայն` նախ կհետազոտվենգործի նյութերը, իսկ հետո կհարցաքննենտուժողին, ապա` ամբաստանյալին:

Գործով տոժողի ներկայացրած հաղորդման համաձայն` իրեն պատճառված վնասը կազմում է 273000 ՀՀ դրամ:Ավազակային հարձակումը տեղի է ունեցել 2019 թվականի փետրվարի 23-ին` ժամը 20:40-ի սահմաններում, Տիգրան Մեծ պողոտաում գտնվող Երևան Սիթի սուպերմարկետի դիմաց:

Հարձակման ենթարկված 27-ամյա կինը Ֆրանսիայի Հանրապետությունում մշտապես բնակվող, ազգությամբ եզդի ՀՀքաղաքացի է։ 2019 թվական իհունվարի22-ին նա ժամանել է Հայաստան առողջական խնդիրներ ունենալու պատճառով և այստեղ վիրահատվելուց հետո փետրվարի25-ին պետք է վերադառնար Ֆրանսիա: Սակայն իրադարձություններն այլ ընթացք են ստացել։
 
Ինչպես արդեն տեղեկացրել ենք` դեպքի օրը  կինը դուրս է եկել տանից և գնացել Կենտրոն`փոքր-ինչ զբոսնելու նպատակով: Եղել է միայնակ, իր հետ է վերցրել բջջային հեռախոսն ու դրամապանակը, որի մեջ եղել է 500 եվրո և 80.000 ՀՀ դրամ գումար:

Տիգրան Մեծի պողոտայում գործող «Երևան Սիթի» սուպերմարկետի մոտ տեսել է մայթեզրին կանգնած մուրացկան մի կնոջ, որն անցորդներից գումար է խնդրել: Կանգնելով այդ կնոջ մոտ՝ բացել է դրամապանակը, որպեսզի մետաղադրամ տա նրան։ Այդ պահին նկատել է, որ մոտ 2 մետր հեռավորության վրա կանգնած են երկու երիտասարդ, որոնք կենտրոնացած նայել են իրեն: Մետաղադրամը տալո վմուրացկան կնոջը ՝շարունակել է իր ճանապարհը: Խորենացի փողոցի 2-րդ նրբանցքով քայլելու ընթացքում զգացել է, որ վերոհիշյալ երիտասարդներն իրեն հետևում են։ Հասնելով նրան՝ չարագործներից մեկն ատրճանակը պահել է կնոջդ եմքին եւ ասել. «Ինչ ունես-չունես, տուր, թե չէ կկրակեմ», ապա կրկնել` «փողերդ տուր»: Կինը, վախենալով, որ իսկապեսկ կրակի, դրամապանակը տվել է նրան։ Վերջինս, վերցնելով այն, մյուս երիտասարդի հետ դիմել է փախուստի:
 
Ավազակային հարձակում՝ մուրացկանին օգնող կնոջ վրա

Հետագայում պարզվել է, որ չարագործներն օգտագործել են խաղալիք ատրճանակ: Մեղադրյալները` Վրաստանի Հանրապետության քաղաքացիներ են, ազգությամբ հայ, որոնցից մեկը անչափահաս է։ Պարզվում է` նրանք եւս Հայաստան էին եկել բուժման համար եւ Երեւանում սենյակ են վարձակալել Իսակովի պողոտայում գտնվող հյուրանոցներից մեկում: Նրանցից մեկն առողջական խնդիրներ ունի` ողնաշարի ճողվածքի հետ կապված, ով այստեղ անցել է նախնական հետազոտություն բժշկական կենտրոնում ու, հասկանալով, որ բավականին գումար է անհրաժեշտ բուժումը կազմակերպելու համար, որոշել են գումար հայթայթել այլ եղանակով:

Նախնական քննության տվըալներով` այդ նպատակով տոնավաճառից գնել են երկու ծալովի դանակ և մեկ մետաղական խաղալիք ատրճանակ, որն արտաքինից գրեթե չի տարբերվել իրական զենքից։ Ապա գնացել են հյուրանոցային համար, որտեղ իրենց գուլպաներից պատրաստել են երկու դիմակ։ Կնոջ նկատմամբ կատարված ավազակային հարձակումից հետո վերադարձել են հյուրանոց եւ հաշվել գումարը, ինչը մասամբ օգտագործել են բժշկական կենտրոնի վճարումները կատարելու, մյուս մասն էլ իրենց հաճույքների համար. Տղաները գնացել են գիշերային ակումբ, սրճարան: «Փաստինֆո»-ն տեղեկացրել է, որ հյուրանոցային համարում կատարված խուզարկությամբ հայտնաբերվել են ծալովի 2 դանակ, «FN Browning 1910» տեսակի ատրճանակի մետաղական խաղալիք-կրկնօրինակ, գուլպայից պատրաստված 1 դիմակ:

Տուժողի մասնակցությամբ կատարվել է դեպքի վայրի զննություն, որը հրապարակվեց դատական նիստում, իսկ գործին կցված  լազերային սկավառակները և լուսանկարչական հավելվածները կհրապարակվեն հաջորդ դատական նիստին,որը տեղիկունենաօգոստոսի19-ին: Հաջորդ դատական նիստի օրը 1,5 ամիս  հետո նշանակելը գործով նախագահող դատավորը պատճառաբանեց  դատարանի աշխատանքային ծանրաբեռնվածությամբ:

Հեղինակ` Մերի Մնոյան